Gün ərzində ölkə ərazisində qeydə alınan 42 cinayətin açılması təmin olunub

27.06.2024

İyunun 27-də ölkə ərazisində qeydə alınan 40, əvvəlki dövrlərdən bağlı qalan 2 cinayətin açılması polis əməkdaşları tərəfindən təmin olunub.

A.Abbasov və İ.Piriyevdən marixuana aşkar olunaraq götürülüb

27.06.2024

Nəqliyyatda Baş Polis İdarəsi əməkdaşlarının keçirdikləri tədbirlərlə əvvəllər məhkum olunmuş A.Abbasov Zabrat dəmir yolu stansiyası ərazisində saxlanılıb. Ondan 360 qram marixuana aşkar olunaraq götürülüb. Xaçmaz dəmir yolu stansiyası ərazisində keçirilən tədbirlərlə saxlanılan İ.Piriyevdən isə 180 qram marixuana aşkar olunaraq götürülüb. Hər iki faktla bağlı araşdırma aparılır. 

Dələduzluqda şübhəli bilinən S.Mehdiyev və P.Vəlibəyov müəyyən olunaraq saxlanılıblar

27.06.2024

Xəzər Rayon Polis İdarəsi əməkdaşlarının keçirdikləri tədbirlərlə 2023-cü ilin mart ayında Yardımlı rayon sakini olan bir nəfərin 9000 manat pulunu dələduzluq yolu ilə almaqda şübhəli bilinən S.Mehdiyev, Binəqədi RPİ 5-ci Polis Bölməsi əməkdaşlarının keçirdikləri tədbirlərlə isə iyunun 10-da Bakı şəhər sakini olan bir nəfərin 4000 manatını dələduzluq yolu ilə almaqda şübhəli bilinən P.Vəlibəyov müəyyən olunaraq saxlanılıblar.Hər iki faktla bağlı araşdırma aparılır. 

Binəqədi rayonu ərazisindəki mağazaların birindən oğurluq etməkdə şübhəli bilinən yeniyetmə saxlanılıb

27.06.2024

Binəqədi RPİ 5-ci Polis Bölməsi əməkdaşlarının keçirdikləri tədbirlərlə iyunun 25-də rayon ərazisindəki mağazaların birindən 2700 manat pul oğurlamaqda şübhəli bilinən yeniyetmə müəyyən olunaraq saxlanılıb.Araşdırma aparılır. 

Binəqədi rayonu ərazisində bir nəfərə məxsus mopedi oğurlamaqda şübhəli bilinən S.Əsədov saxlanılıb

27.06.2024

Binəqədi RPİ 40-cı Polis Bölməsi əməkdaşlarının keçirdikləri tədbirlərlə rayon ərazisində bir nəfərə məxsus “Tufan” markalı mopedi oğurlamaqda şübhəli bilinən, əvvəllər də eyni əmələ görə məhkum olunmuş S.Əsədov müəyyən olunaraq saxlanılıb.Araşdırma aparılır. 

Qobustan qəsəbəsi ərazisində yerləşən bir mağazada qəsdən yanğın törətməkdə şübhəli bilinən R.Musayev saxlanılıb

27.06.2024

İyunun 26-da gecə saatlarında Qobustan qəsəbəsi ərazisində yerləşən bir mağazanın yanması ilə bağlı Qaradağ RPİ-nin 11-ci Polis Bölməsində aparılan araşdırmalarla yanğının qəsdən törədilməsinə əsaslı şübhələr müəyyən edilib. Əmlakı qəsdən məhv etmədə şübhəli bilinən R.Musayev müəyyən olunaraq saxlanılıb.Araşdırma aparılır. 

Sabirabad rayonunda saxlanılan S.Ağayevdən marixuana aşkar olunaraq götürülüb

27.06.2024

Sabirabad Rayon Polis Şöbəsi əməkdaşlarının keçirdikləri tədbirlərlə saxlanılan  S.Ağayevdən 205 qram marixuana aşkar olunaraq götürülüb.Polis əməkdaşlarının keçirdikləri digər əməliyyat tədbiri ilə E.Cəfərova məxsus “Daewoo” markalı avtomobilə baxış zamanı isə 320 qram marixuana götürülüb.Hər iki faktla bağlı araşdırma aparılır. 

Sabirabad rayonunun Şəhriyar kəndi ərazisində yabanı halda bitmiş çətənə kolları aşkar olunaraq məhv edilib

27.06.2024

Sabirabad Rayon Polis Şöbəsinin əməkdaşları tərəfindən Şəhriyar kəndi ərazisində yabanı halda bitmiş 1,8 ton çəkidə 2540 ədəd çətənə kolu aşkar olunaraq məhv edilib.

Tovuz rayonunun Düz Cırdaxan kəndi ərazisində yabanı halda bitmiş çətənə kolları aşkar olunaraq məhv edilib

27.06.2024

Tovuz Rayon Polis Şöbəsinin əməkdaşları tərəfindən Düz Cırdaxan kəndi ərazisində yabanı halda bitmiş 800 ədəd çətənə kolu aşkar olunaraq məhv edilib.

Paytaxt və respublikanın ayrı-ayrı rayonlarında qanunsuz saxlanılan odlu silahlar təhvil götürülüb

27.06.2024

Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktik tədbirləri davam etdirir. İyunun 27-də polis əməkdaşları paytaxt və respublikanın ayrı-ayrı rayonlarında 27 ədəd tüfəng təhvil götürüblər.