Dələduzluqda şübhəli bilinən C.Gülməmmədov müəyyən edilərək saxlanılıb

04.07.2024

Yasamal RPİ-nin 29-cu Polis Şöbəsinə müraciət edən qadın bir nəfərin onu aldadaraq hesabına 8000 manat ödətdirməsini bildirib. Keçirilən tədbirlərlə polis əməkdaşları dələduzluqda şübhəli bilinən C.Gülməmmədovu müəyyən edərək saxlayıblar. Araşdırma aparılır.

Oğurluğa cəhd göstərmiş F.Quliyevdən 66 qrama yaxın tiryək aşkar olunaraq götürülüb

04.07.2024

Sahil qəsəbəsi ərazisində şirkətlərdən birinin həyətindən oğurluğa cəhd edən şəxs Qaradağ RPİ 38-ci Polis Bölməsinin əməkdaşları tərəfindən saxlanılıb. Onun əvvəllər də oğurluğa görə məhkum olunmuş F.Quliyev olması müəyyən edilib.  Saxlanılan şəxsdən 66 qrama yaxın tiryək aşkar olunaraq götürülüb. Araşdırma aparılır.

Nəqliyyat vasitəsini qaçırmaqda şübhəli bilinən R.Rəhimov müəyyən edilərək saxlanılıb

04.07.2024

Ramana qəsəbəsi ərazisindən “Ravon” markalı avtomobilin qaçırılması barədə polisə məlumat daxil olub. Suraxanı RPİ 31-ci Polis Şöbəsi əməkdaşlarının keçirdikləri tədbirlərlə avtomobil Zabrat qəsəbəsi ərazisində tapılıb. Nəqliyyat vasitəsini qaçırmaqda şübhəli bilinən R.Rəhimov müəyyən edilərək saxlanılıb. Araşdırma aparılır. 

Kultivasiya yolu ilə yetişdirilmiş 14 ədəd çətənə kolu və 9 qram marixuana aşkar olunaraq götürülüb

04.07.2024

Ucar Rayon Polis Şöbəsi əməkdaşlarının keçirdikləri tədbirlərlə Qazıqumlaq kənd sakini R.Rüstəmovun həyətyanı sahəsindən kultivasiya yolu ilə yetişdirilmiş 14 ədəd çətənə kolu və 9 qram marixuana aşkar olunaraq götürülüb. Araşdırma aparılır. 

Gün ərzində ölkə ərazisində qeydə alınan 31 cinayətin açılması təmin olunub

03.07.2024

İyulun 3 də ölkə ərazisində qeydə alınan 29, əvvəlki dövrlərdən bağlı qalan 2 cinayətin açılması polis əməkdaşları tərəfindən təmin olunub.

Qanunsuz saxlanılan odlu silah-sursat aşkar edilərək götürülüb

03.07.2024

Qanunsuz saxlanılan odlu silah-sursatın aşkar olunaraq götürülməsi istiqamətində tədbirlər davamlı olaraq həyata keçirilir. İyulun 3-də polis əməkdaşlarının keçirdikləri əməliyyat tədbirləri ilə qanunsuz saxlanılan 3 tüfəng aşkar edilərək götürülüb. 

Ümumi çəkisi 2,3 kiloqramdan artıq narkotik vasitə və 45 ədəd çətənə kolu aşkar olunaraq götürülüb

03.07.2024

Polis əməkdaşlarının keçirdikləri əməliyyat tədbirləri ilə iyulun 3-də ümumi çəkisi 2,3 kiloqramdan artıq narkotik vasitə və kultivasiya yolu ilə yetişdirilmiş 45 ədəd çətənə kolu aşkar olunaraq götürülüb. Bu istiqamətdə qətiyyətli mübarizə tədbirləri davam etdirilir. 

Dələduzluğa görə axtarışda olan 2 nəfər saxlanılaraq istintaqa təhvil verilib

03.07.2024

Polis əməkdaşlarının iyulun 3-də keçirdikləri əməliyyat tədbirləri ilə dələduzluğa görə axtarışda olan 2 nəfər saxlanılaraq istintaqa təhvil verilib. 

İtkin düşmüş kimi axtarışda olan 8 nəfər tapılaraq aidiyyəti üzrə təhvil verilib

03.07.2024

İyulun 3-də polis əməkdaşlarının keçirdikləri tədbirlərlə itkin düşmüş kimi axtarışda olan 8 nəfər tapılaraq aidiyyəti üzrə təhvil verilib. 

Binəqədi rayonu ərazisində yerləşən mağazaların birində satıcının çantasından oğurluq etməkdə şübhəli bilinən qadın saxlanılıb

03.07.2024

Binəqədi RPİ 6-cı Polis Bölməsi əməkdaşlarının keçirdikləri tədbirlərlə rayon ərazisində yerləşən mağazaların birində satıcının çantasından 1300 manat dəyərində qızıl üzük, sənəd və bank kartlarını oğurlamaqda şübhəli bilinən qadın müəyyən olunaraq saxlanılıb. Araşdırma aparılır.