Gün ərzində ölkə ərazisində qeydə alınan 57 cinayətin açılması təmin olunub

07.08.2024

Avqustun 7-də ölkə ərazisində qeydə alınan 47, əvvəlki dövrlərdən bağlı qalan 10 cinayətin açılması polis əməkdaşları tərəfindən təmin olunub.

Abşeronda soyğunçuluq və oğurluq edən şəxslər saxlanılıblar

07.08.2024

Abşeron Rayon Polis İdarəsi əməkdaşlarının keçirdikləri tədbirlərlə rayon ərazisində soyğunçuluq və oğurluq cinayətləri törədən şəxslər saxlanılıblar.Belə ki, Rayon Polis Şöbəsinə avqustun 6-da Ceyranbatan qəsəbəsi ərazisində “Hyundai” markalı avtomobildə sərnişin qismində oturmuş şəxsin sürücünün mobil telefonunu açıq talama yolu ilə aparması barədə məlumat daxil olub.Görülmüş tədbirlərlə soyğunçuluğu törətməkdə şübhəli bilinən əvvəllər məhkum olunmuş  H.Mahmudov müəyyən olunaraq saxlanılıb.İdarə əməkdaşlarının keçirdikləri digər əməliyyat tədbirləri ilə Xırdalan şəhəri ərazisində yerləşən evlərdən birinin girişindən 14 ədəd lift açarı oğurlamaqda şübhəli bilinən əvvəllər narkotik və oğurluqla əlaqəli cinayətlərə görə məhkum olunmuş E.İbrahimli saxlanılıb.Rayon ərazisində bir qadının mobil telefonunu oğurlayan şəxs də müəyyən edilib. Polis əməkdaşları tərəfindən oğurluq cinayətində şübhəli bilinən əvvəllər məhkum olunmuş A.Rüstəmov müəyyən olunaraq saxlanılıb.Faktlarla bağlı araşdırmalar aparılır.

Paytaxtın Binəqədi rayonu ərazisində yerləşən mənzillərin birindən 6000 manat dəyərində qızıl-zinət əşyalarını oğurlamaqda şübhəli bilinən P.Məmmədov saxlanılıb

07.08.2024

Paytaxtın Binəqədi rayonu ərazisində yerləşən mənzillərin birindən 6000 manat dəyərində qızıl-zinət əşyalarının oğurlanması barədə polisə məlumat daxil olub.Binəqədi Rayon Polis İdarəsinin 7-ci Polis Bölməsi əməkdaşlarının keçirdikləri tədbirlərlə oğurluq əməlini törətməkdə şübhəli bilinən P.Məmmədov müəyyən olunaraq saxlanılıb.Şəxsi axtarış zamanı ondan narkotik vasitələr olan heroin və metamfetamin aşkar olunaraq götürülüb.Saxlanılan şəxslə bağlı aparılan araşdırmalar nəticəsində onun narkotik vasitələrin qanunsuz dövriyyəsi ilə əlaqədar cinayətə görə axtarışda olması da müəyyən edilib.Araşdırmalar davam etdirilir.

Paytaxt sakinini aldadaraq 98930 manatının ələ keçirməkdə şübhəli bilinən R.Ramazanova saxlanılıb

07.08.2024

Paytaxt sakininin cari il iyun-iyul aylarında aldadılaraq 98930 manatının ələ keçirilməsi barədə polisə məlumat daxil olub.Nəsimi Rayon Polis İdarəsi əməkdaşlarının keçirdikləri tədbirlər nəticəsində əməli törətməkdə şübhəli bilinən əvvəllər dələduzluq cinayətinə görə məhkum olunmuş R.Ramazanova müəyyən olunaraq saxlanılıb.Saxlanılan şəxslə bağlı aparılan araşdırmalarla onun Cinayət Məcəlləsinin 178-ci (dələduzluq) maddəsi ilə axtarışda olması da müəyyən edilib.Araşdırmalar davam etdirilir.

Paytaxtın Sabunçu rayonu ərazisində bir nəfərə qarşı quldurluq etməkdə şübhəli bilinən R.Əmirov və S.Köçərli saxlanılıblar

07.08.2024

Paytaxtın Sabunçu rayonu ərazisində bir nəfərin pulunun və 2 ədəd mobil telefonunun quldurluq yolu ilə alınması barədə polisə məlumat daxil olub.Metropolitendə Polis İdarəsi və Sabunçu Rayon Polis İdarəsinin 13-cü Polis Şöbəsi əməkdaşlarının birgə keçirdikləri tədbirlər nəticəsində cinayət əməlini törətməkdə şübhəli bilinən əvvəllər oğurluq və quldurluqla bağlı cinayətlərə görə məhkum olunmuş R.Əmirov və S.Köçərli müəyyən olunaraq saxlanılıblar.Araşdırma aparılır.

Paytaxtın Nəsimi rayonu ərazisində yerləşən mağazaların birindən qızıl qolbağını oğurlamaqda şübhəli bilinən Ç.Rəhimova saxlanılıb

07.08.2024

Avqustun 8-də paytaxtın Nəsimi rayonu ərazisində yerləşən mağazaların birindən 985 manat dəyərində qızıl qolbağın oğurlanması barədə polisə məlumat daxil olub.Nəsimi Rayon Polis İdarəsinin 19-cu Polis Şöbəsi əməkdaşlarının keçirdikləri tədbirlər nəticəsində oğurluq əməlini törətməkdə şübhəli bilinən əvvəllər də oğurluqla əlaqədar cinayətə görə məhkum olunmuş Ç.Rəhimova müəyyən olunaraq saxlanılıb.Araşdırma aparılır.

Abşeronda soyğunçuluq və oğurluq etməkdə şübhəli bilinən şəxslər saxlanılıblar

07.08.2024

Avqustun 6-da saat 11 radələrində Abşeron rayonunun Ceyranbatan qəsəbəsi ərazisində “Hyundai” markalı avtomobildə sərnişin qismində oturmuş şəxsin sürücünün mobil telefonunu açıq talama yolu ilə aparması barədə polisə məlumat daxil olub. Abşeron Rayon Polis İdarəsi əməkdaşlarının keçirdikləri tədbirlərlə soyğunçuluğu törətməkdə şübhəli bilinən əvvəllər məhkum olunmuş H.Mahmudov müəyyən olunaraq saxlanılıb. İdarə əməkdaşlarının keçirdikləri digər əməliyyat tədbirləri ilə Xırdalan şəhəri ərazisində yerləşən evlərdən birinin girişindən 14 ədəd lift açarı oğurlamaqda şübhəli bilinən əvvəllər narkotik və oğurluqla əlaqəli cinayətlərə görə məhkum olunmuş E.İbrahimli, bundan başqa, bir qadının mobil telefonunu oğurlamaqda şübhəli bilinən əvvəllər məhkum olunmuş A.Rüstəmov müəyyən olunaraq saxlanılıblar.  Faktlarla bağlı araşdırmalar aparılır.  

Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktik tədbirləri davam etdirir

07.08.2024

Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktik tədbirləri davam etdirir. Avqustun 7-də polis əməkdaşları paytaxt və respublikanın ayrı-ayrı rayonlarında 3 avtomat silahı, 5 tüfəng, 3 patron darağı və 110 ədəd müxtəlif çaplı patron təhvil götürüblər.Odlu silah-sursatın qanunsuz saxlanılmasına qarşı keçirilən əməliyyat tədbirləri ilə 5 tüfəng aşkar edilərək götürülüb.

Ümumi çəkisi 37 kiloqramdan artıq narkotik vasitə aşkar olunaraq götürülüb

07.08.2024

Polis əməkdaşlarının keçirdikləri əməliyyat tədbirləri ilə avqustun 7-də ümumi çəkisi 37 kiloqramdan artıq narkotik vasitə aşkar olunaraq götürülüb. Bu istiqamətdə qətiyyətli mübarizə tədbirləri davam etdirilir. 

Dələduzluğa görə axtarışda olan 6 nəfər saxlanılaraq istintaqa təhvil verilib

07.08.2024

Polis əməkdaşlarının avqustun 7-də keçirdikləri əməliyyat tədbirləri ilə dələduzluğa görə axtarışda olan 6 nəfər saxlanılaraq istintaqa təhvil verilib.