Binəqədi rayonu ərazisində təhlükəsizlik kəmərindən istifadə etmədiyi üçün saxlanılmış sürücünün avtomobilindən 2 kiloqramdan artıq narkotik vasitələr aşkar edilərək götürülmüşdür
11.01.2021Yanvarın 11-də saat 16 radələrində Binəqədi rayonu ərazisində “Opel” markalı avtomobilin sürücüsü təhlükəsizlik kəmərindən istifadə etmədiyi üçün Baş Dövlət Yol Polisi İdarəsinin əməkdaşları tərəfindən saxlanılmışdır.
Yoxlama zamanı sürücünün Bakı şəhər sakini R.Cavadov olması müəyyən edilmişdir. Ödənilməyən cəriməsi olduğundan avtomobil cərimə meydançasına aparılan zaman polis əməkdaşları tərəfindən avtomobilin salonunda ağ rəngli kristallarla dolu büküm aşkar edilmişdir. Bu zaman sürücü avtomobildən düşüb qaçmağa cəhd göstərmişdir. Polis əməkdaşlarının çevikliyi sayəsində o, saxlanılaraq Binəqədi RPİ-nin 43-cü Polis Bölməsinə təhvil verilmişdir.
Avtomobilə baxış zamanı oradan əlavə 2 kiloqram 410 qram metamfetamin və marixuanaya bənzər maddə aşkar edilərək götürülmüşdür.
Çap et