Soyğunçuluq etmiş Biləcəri qəsəbə sakinləri Mehman Quliyev və Əzim Möqbəliyev tutulmuşlar
10.03.2008Fevralın 25-də 2 naməlum şəxs Binəqədi qəsəbəsində Şəki şəhər sakini Hidayət Şamilovun idarə etdiyi "VAZ-2107" markalı avtomaşına sərnişin qismində oturub Biləcəri qəsəbəsinə gedəcəklərini bildirmişlər. Biləcəri qəsəbəsində onlar H.Şamilova qarşı zor tətbiq edərək 36 manatını və mobil telefonunu almışlar. Binəqədi RPİ 6-cı PB əməkdaşlarının keçirdikləri əməliyyat-axtarış tədbirləri nəticəsində soyğunçuluğu törətmiş Biləcəri qəsəbə sakinləri Mehman Quliyev və Əzim Möqbəliyev tutulmuşlar. Ətraflarında aparılmış əməliyyat tədbirləri nəticəsində onların fevralın 29-da Biləcəri qəsəbəsində "Opel" markalı avtomaşının sürücüsü, Bakı şəhər sakini Elçin Əhmədovu bıçaqla hədələyərək mobil telefonunu ondan almaları müəyyən edilmişdir.