Paytaxtın Nizami rayonu ərazisində yaşayan Nazim Musayevi qətlə yetirməkdə şübhəli bilinən Z.Seyidov saxlanılmışdır

25.06.2020

İyunun 16-da paytaxtın Nizami rayonu ərazisində yaşayan Nazim Musayevin evdən çıxaraq geri qayıtmaması barədə 25-ci Polis Şöbəsinə müraciət daxil olmuşdur.

Müraciətlə əlaqədar dərhal polis əməkdaşları tərəfindən müvafiq tədbirlər həyata keçirilmiş və itkin düşmüş N.Musayevin iyunun 17-də Beyləqan rayonunun Yuxarı Aran kəndi ərazisində tanışı, Bakı şəhər sakini Z.Seyidov tərəfindən küt alətlə qətlə yetirilərək basdırılması müəyyən edilmişdir.

Əməliyyat-axtarış tədbirləri nəticəsində bu cinayət əməlini törətməkdə şübhəli bilinən Z.Seyidov polis əməkdaşları tərəfindən saxlanılmışdır.   

N.Musayevin meyiti Yuxarı Aran kəndinin ərazisində eksqumasiya edilmişdir.

Faktla əlaqədar Cinayət Məcəlləsinin 120-ci maddəsi ilə cinayət işi başlanmışdır.
Beyləqan rayon prokurorluğu tərəfindən araşdırma aparılır.