Yol-nəqliyyat hadisəsi törədərək hadisə yerində yayınmaqda şübhəli bilinən Füzuli rayon sakini Həsənağa Hümbətov saxlanılıb
28.12.2017Dekabrın 23-də saat 19 radələrində Səbail rayonunun Salyan yolu küçəsində müəyyən edilməmiş avtomobillə yolu keçən Bakı şəhər sakini Pərviz Məmmədov vurulmuşdur. Piyada aldığı xəsarətlərlə xəstəxanaya yerləşdirilmiş, ona ilkin tibbi yardım göstərilmişdir.
Səbail Rayon Polis İdarəsi əməkdaşlarının keçirdikləri əməliyyat-axtarış tədbirləri ilə yol-nəqliyyat hadisəsinin “Nissan” markalı avtomobillə törədilməsi müəyyən edilmişdir. Hadisə yerindən yayınmaqda şübhəli bilinən həmin nəqliyyat vasitəsinin sürücüsü - Füzuli rayon sakini Həsənağa Hümbətov polis əməkdaşları tərəfindən saxlanılaraq istintaqa təhvil verilmişdir.
Araşdırma aparılır.
Çap et