Kürdəmir rayon sakini 14 yaşlı Cəfər Qasımovu oğurlayaraq qaytarılması müqabilində pul tələb etmiş Sənan Qasımzadə saxlanılmışdır

30.05.2016

Mayın 30-da naməlum şəxs Binəqədi rayonunun M.Ə.Rəsulzadə qəsəbəsində kirayədə yaşayan Kürdəmir rayon sakini - 14 yaşlı Cəfər Qasımovu oğurlamış, qaytarılması müqabilində anası Afətdən 20.000 manat pul istəmiş və polisə məlumat verməməsini tələb etmişdir.  

Həyata keçirilmiş əməliyyat-axtarış tədbirləri ilə C.Qasımovun “VAZ-21154” markalı avtomobildə qaçırılması müəyyən edilmiş və qeyd edilən nəqliyyat vasitəsi Bakı Şəhər Baş Polis İdarəsinin Cinayət Axtarışı İdarəsi, Dövlət Yol Polisi İdarəsi və Binəqədi RPİ-nin əməkdaşları tərəfindən Azadlıq prospektində saxlanılmışdır. Sürücü - Bakı şəhər sakini 23 yaşlı Sənan Qasımzadə törətdiyi əməli etiraf etmişdir.

C.Qasımov ailə üzvlərinə təhvil verilmişdir.

Faktla əlaqədar CM-nin 144-cü (adam oğurluğu) maddəsi ilə cinayət işi başlanmışdır.

Araşdırma aparılır.