Vətəndaşlara məxsus avtomobilləri qaçırmış üç şəxs tutulmuşdur
09.01.2016Yanvarın 9-da Göyçay RPŞ əməkdaşları tərəfindən “Mercedes” markalı avtomobil nəzarət qaydasında saxlanılmış, sürücüsü, rayon sakini Xəyal Ömərov şübhə doğurduğundan RPŞ-yə gətirilmişdir.
Araşdırma zamanı qeyd edilən avtomobilin ötən il dekabrın 23-də Şamaxı rayonu ərazisindən qaçırılmış Murad Allahverdiyevə məxsus “Mercedes” markalı avtomobil olması müəyyən edilmiş və aidiyyəti üzrə Şamaxı RPŞ-yə təhvil verilmişdir.
X.Ömərovun ətrafında aparılmış əməliyyat tədbirləri ilə onun Mehralı Mehralıyev və rayon sakini Elgün Kərimovla birgə ötən ilin noyabr-dekabr ayları ərazində Miryaqub Əmirova məxsus “Mercedes”, Zabit Mirqədirova və Əlibrahim Pənahova məxsus “VAZ” markalı avtomobilləri qaçırması da müəyyən edilmişdir.Həyata keçirilmiş əməliyyat-axtarış tədbirləri ilə M.Mehralıyev və E.Kərimov da tutulmuşlar.
Çap et