Şirvan şəhər sakini Tural Salmanov və Əli Ağami tutulmuşlar
07.11.2015Noyabrın 5-də Şirvan şəhərində Elvin Nəciyevin və Zaur Sarıbalayevin qətlə yetirilmələri barədə verilmiş məlumatla əlaqədar araşdırmalar zamanı Z.Sarıbalayevin E.Nəciyev tərəfindən, E.Nəciyevin isə Şirvan şəhər sakini, əvvəllər məhkum olunmuş Əli Ağami tərəfindən qətlə yetirilməsi müəyyən edilmişdir.
Ə.Ağami və cinayətdə iştirak etmiş digər şəxs Şirvan şəhər sakini Tural Salmanov polis və prokurorluq orqanları əməkdaşları tərəfindən tutulmuşlar. T.Salmanov ifadəsində hadisə zamanı üzərində olan tapançanı Şirvan şəhər mərkəzi xəstəxanasının həyətinə atmasını bildirmişdir.
Xəstəxananın həyətinə baxış zamanı “Makarov” markalı tapança, patron darağı və 4 ədəd patron aşkar edilərək götürülmüşdür.
Çap et