İyulun 19-da saat 12.19 radələrində naməlum şəxs FHN-nin "112" xidmətinə zəng edərək əvvəlcə "Toyota" markalı avtomaşının içərisində mina olması, sonra isə Bakı Dəmir Yolu Sərnişin Vağzalına bomba qoyulması barədə məlumat vermişdir.  
Məlumat DİN-in Növbətçi Hissələri İdarəetmə Xidmətinə ötürülmüş, dərhal əməliyyat tədbirləri həyata keçirilmiş, lakin məlumat təsdiqini tapmamışdır.  
DİN Nəqliyyatda Baş Polis İdarəsinin əməkdaşları tərəfindən hıəyata keçirilmiş əməliyyat tədbirləri nəticəsində zəng edilən telefon nömrəsinin Qaradağ rayonu ərazisində yaşayan Laçın rayon sakini Seymur Kəlbalıyevə məxsus olması, yalan məlumatın isə onun qohumu, Pirallahı qəsəbə sakini 18 yaşlı Ağalar Heydərov tərəfindən verilməsi müəyyən edilmişdir.
A.Heydərov saxlanılmışdır. Araşdırma aparılır.