Xəzər RPİ əməkdaşlarının həyata keçirdikləri əməliyyat tədbirləri nəticəsində aprelin 30-da narkotik vasitə ilə tutulmuş Allahverdi Hüseynovun ətrafında aparılmış əməliyyat tədbiri nəticəsində onun Bakı şəhər sakinləri Asif Danıyev, Sərdar Qəzənfərov və Elşən Məmmədov ilə birgə aprelin 23-də Aliyə Rzayevanın evindən məişət əşyaları, aprelin 25-də Asif Muradovun evindən 200 metr uzunluğunda elektrik naqili və məişət əşyaları, aprelin 29-da Məmməd Həsənova, Yədulla Axundova, Məmməd Mehdiyevə məxsus bağ evlərindən məişət əşyaları, elektrik avadanlıqları, aprelin 30-da Kərim Məmmədova, Tahir Ağayevə məxsus bağ evlərindən elektrik generatoru və məişət əşyaları, cari ilin aprel ayı ərzində Binə qəsəbə sakinləri Yaqub Abbasovun bağ evindən elektrik avadanlıqları, Elman Süleymanovun evindən 1 ədəd su mühərriki, Xaşaxuna bağlar sahəsində Böyükxanım Qurbanovanın həyətindən 1 ədəd su mühərriki, İlham Səfərovun bağ evindən 90 metr uzunluğunda elektrik naqili, Binə qəsəbə sakini Şahvələd Məmmədovun evindən məişət əşyaları və Mərdəkan qəsəbə sakini  Ədalət Şahbazovun evindən 1 ədəd televizor və ev əşyaları oğurlamaları da müəyyən edilmişdir. A.Danıyev, S.Qəzənfərov və E.Məmmədov tutulmuşlar. Əməliyyat-axtarış tədbirləri davam etdirilir.