DİN Baş Cinayət-Axtarış İdarəsi, Bakı BPİ-nin Cinayət-Axtarış İdarəsi, Binəqədi RPİ və Sumqayıt ŞPİ əməkdaşları tərəfindən Boya-Daş Sexinə basqın edərək oranın gözətçisi Göyüş Nəzərovu bıçaqla hədələyərək içərisində pul olan seyfi apardıqlarına görə tutulmuş Əhmədağa Əhmədovun və Pərviz Musayevin ətraflarında aparılmış əməliyyat tədbirləri nəticəsində onların M.Ə.Rəsulzadə qəsəbə sakini Rüfət Babayev və Ceyhun adlı şəxslə birgə “Parlaq-2” Mənzil-Tikinti Kombinatının mühafizəçisi Sadıx Məmmədova bıçaqla xəsarət yetirib, oradakı seyfi, habelə “Murad Aqro” Quşçuluq Firmasının ofisinin gözətçiləri Dünyamalı Rzayevin və Ramil Rzayevin əllərini bağlayaraq işərisində sənədlər olan 2 ədəd seyfi aparmaları, habelə Ədliyyə Nazirliyinin 27 saylı Dövlət Notariat Kontorundan oğurluq etmələri müəyyən edilmişdir.