Bakı şəhər sakini Nailə Baxşəliyeva Daxili İşlər Nazirliyinə ünvanladığı məktubunda üzləşdiyi problemlə bağlı müraciətinin qısa müddətdə həll olunmasında göstərilən köməkliyə görə DİN-in rəhbərliyinə və Səbail Rayon Polis İdarəsinin 41-ci Polis Bölməsinin əməkdaşlarına təşəkkürünü bildirir.

Vətəndaş Xəzər Əliyev DİN-in “Instagram” səhifəsinə təşəkkür mesajı ünvanlayıb: “Torpaq sahəsinin alınması ilə bağlı ödədiyim pulun bir hissəsinin qaytarılmaması barədə müraciət etmişdim. Müraciətimlə bağlı Naxçıvan Muxtar Respublikası Daxili İşlər Nazirliyinə dəvət olundum, şikayətim araşdırıldı və polis əməkdaşları tərəfindən müraciətimə xüsusi diqqət göstərildi. Göstərilən diqqət, operativlik və köməyə görə Naxçıvan MR Daxili İşlər Nazirliyinin əməkdaşlarına dərin minnətdarlığımı və təşəkkürümü bildirirəm”.

Bakı şəhər sakini, Vətən müharibəsi iştirakçısı Hacı Quliyev Daxili İşlər Nazirliyinə ünvanladığı məktubunda müraciətinə göstərilən diqqət və dəstəyə, həmçinin müraciətinin müsbət həllinə görə DİN-in rəhbərliyinə təşəkkürünü bildirir.

Bakı şəhər sakini Azər Ağayev Daxili İşlər Nazirliyinə ünvanladığı teleqramda Sumqayıt Şəhər Polis İdarəsinin 3-cü Polis Bölməsinə ünvanladığı müraciətinin qısa zaman ərzində həllini tapmasında göstərilən köməkliyə görə DİN-in rəhbərliyinə və Sumqayıt ŞPİ-nin şəxsi heyətinə təşəkkürünü bildirir.

Bakı şəhər sakini Elçin Əliyev Daxili İşlər Nazirliyinə ünvanladığı məktubunda barəsində edilmiş əsassız şikayətin obyektiv, şəffaf və ədalətli şəkildə araşdırılmasına görə Xəzər Rayon Polis İdarəsinin 3-cü Polis Şöbəsinin əməkdaşlarına təşəkkürünü bildirir.

İmişli rayon sakini Rüfət Məmmədov etdiyi müraciətinin müsbət həll olunmasına görə DİN rəhbərliyinə təşəkkür edir.

Sosial şəbəkə istifadəçisi Aysel Mahmudova telefonun oğurlanması ilə bağlı müraciətinə operativ reaksiya göstərilərək məsələnin qısa müddətdə həll olunmasına və telefonun geri qaytarılmasına görə Nərimanov Rayon Polis İdarəsinin 37-ci Polis Bölməsinin əməkdaşlarına təşəkkür edir.

Sosial şəbəkə istifadəçisi Vüqar Əliyev Ziya Bünyadov prospektində baş vermiş yol-nəqliyyat hadisəsi ilə bağlı hüquqlarının təmin olunmasından və aparılan araşdırmanın nəticəsindən razı qaldığını bildirərək Nərimanov Rayon Polis İdarəsinin əməkdaşlarına minnətdarlığını ifadə edir.

Sosial şəbəkə istifadəçisi Yekaterina Quliyeva qonşusu ilə aralarında yaranmış problemin polis əməkdaşlarının müdaxiləsindən sonra aradan qaldırılmasına görə Nərimanov Rayon Polis İdarəsinin 16-cı Polis Şöbəsinə təşəkkürünü bildirir.