DİO əməkdaşları tərəfindən vətəndaşlardan narkotik vasitələr götürülmüşdür

09.01.2009

Saat 20.30 radələrində Xətai rayonundakı Zığ yolu küçəsində naməlum şəxs özünü şübhəli apardığına görə orada xidmət aparan 36-cı PB-nin əməkdaşları, polis mayoru Sahib Səlimov və polis kapitanı Cavid Quliyev tərəfindən saxlanılmışdır. Bu zaman həmin şəxs şəxsiyyətini təsdiq edən sənədini verməkdən imtina etmiş və qaz tapançası ilə polis əməkdaşlarının ayaq nahiyəsi istiqamətində atəş açmışdır. O, tutularaq PB-yə gətirilmişdir. Araşdırmalar zamanı onun Zığ yolu küçəsi ev 3-də yaşayan Kamran İlyasov olması müəyyən edilmiş və üstünə baxış zamanı 0,228 qram heroin və 1 ədəd bıçaq aşkar edilərək götürülmüşdür.
Həyata keçirilmiş əməliyyat tədbirləri nəticəsində DİN Nəqliyyatda Baş Polis İdarəsi əməkdaşları Bakı şəhər sakini Şakir Məmmədovdan 2,5 qram heroin, Hacıqabul RPŞ əməkdaşları rayon sakini, əvvəllər məhkum olunmuş Rövşən Hüseynovdan 1,131 qram heroin, Nəvahi kənd sakini Sahib Mikayılovdan isə 3,421 qram heroin götürmüşlər.
Nərimanov RPİ əməkdaşlarının keçirdikləri əməliyyat tədbirləri nəticəsində Xırdalan şəhər sakini Rəsul Vəliyev 1,055 qram heroini satarkən tutulmuşlar.