Saat 21.00 radələrində Zaqatala rayonunun Aşağı Tala kəndində, rayon sakini Nail Həsənovun idarə etdiyi "VAZ-21099" markalı və rayon sakini Kənan Hacıməmmədovun idarə etdiyi "VAZ-2109" markalı avtomaşınlar toqquşmuşlar. Nəticədə xəsarət almış hər 2 sürücü və N.Həsənovun sərnişinləri, Zaqatala rayon sakini Nuriyə Dadalova, Qızılgül Dadalov, Röya Xəlilova və Bakı şəhər sakini Günay Zeynalova xəstəxanaya yerləşdirilmişlər. N.Həsənov orada ölmüşdür. Zaqatala RPŞ tərəfindən araşdırmalar aparılır.