Saat 20.00 radələrində Kəpəz rayonundakı Ş.İ.Xətai prospektində, rayon sakini Anar Əliyevin idarə etdiyi "Mercedes" markalı və Müdafiə Nazirliyinin "N" saylı hərbi hissəsinin əsgəri Elgün İsmayılovun idarə etdiyi "VAZ-2107" markalı avtomaşınlar toqquşmuşlar. Nəticədə xəsarət almış E.İsmayılov və sərnişinləri, "N" saylı hərbi hissənin əsgərləri Etiram Əliyev, Pərviz Abdulsalamov və Fariz Aslanov xəstəxanaya yerləşdirilmişlər. F.Aslanov orada ölmüşdür. Kəpəz RPŞ tərəfindən araşdırmalar aparılır.