Hüquq mühafizə orqanları tərəfindən narkotik maddələr götürülmüşdür

23.09.2005

Bakıxanov qəsəbə sakini Tərlan Quliyev 0,025 qram heroini könüllü olaraq polisə təhvil vermişdir. Sabunçu RPİ əməkdaşlarının keçirdikləri əməliyyat-axtarış tədbiri nəticəsində müəyyən edilmişdir ki, narkotik vasitəni ona Bakı şəhərində yaşayan Zaur Əliyev satmışdır. Z.Əliyevdən 0,601 qram heroin götürülmüşdür. Səbail RPİ əməkdaşlarının keçirdikləri əməliyyat-axtarış tədbiri nəticəsində Cəlilabad rayon sakini Kamal Rzayevdən 11,456 qram heroin götürülmüşdür. Nizami RPİ əməkdaşlarının keçirdikləri əməliyyat-axtarış tədbiri nəticəsində Yevlax rayon sakinləri Kamal Həsənovdan 0,193 qram, Seymur Cavadovdan isə 0,211 qram heroin götürülmüşdür.