Bakı şəhər sakini Mehman Abbasova, Gəncə şəhər sakinləri Nizami Məcidova və Şakir Həmzəyevə qarşı zor tətbiq etmiş Zaur Haqverdiyev tutulmuş, Fərman Salmanov isə müəyyən edilmişdir

07.06.2008

İyunun 7-də saat 02.00 radələrində Nəsimi rayonundakı Binəqədi şossesində "Azsamand" markalı avtomaşında olan 4 naməlum şəxs Bakı şəhər sakini Mehman Abbasova, Gəncə şəhər sakinləri Nizami Məcidova və Şakir Həmzəyevə qarşı zor tətbiq edərək mobil telefonlarını və 900 dollar pullarını onlardan almışdır. Binəqədi RPİ əməkdaşlarının keçirdikləri əməliyyat tədbirləri nəticəsində M.Ə.Rəsulzadə qəsəbə sakini Zaur Haqverdiyev tutulmuş, Binəqədi qəsəbə sakini Fərman Salmanov isə müəyyən edilmişdir. Binəqədi RPİ əməkdaşları tərəfindən əməliyyat-axtarış tədbirləri aparılır.