DİO əməkdaşları tərəfindən vətəndaşlardan narkotik vasitələr götürülmüş və yabanı halda bitmiş çətənə kolları məhv edilmişdir

07.06.2008

Həyata keçirilmiş əməliyyat tədbirləri nəticəsində DİN Baş Narkotiklərlə Mübarizə İdarəsi əməkdaşları Salyan rayon sakini, əvvəllər məhkum olunmuş Nazim Zeynalovdan 101,854 qram heroin, Bakı BPİ-nin Metropolitendə Polis Şöbəsi əməkdaşları Bakı şəhər sakini Kamran Yaqiyevdən 0,013 qram heroin, Sabunçu RPİ əməkdaşları narkotik vasitə ilə tutulmuş Ruslan Kazımovun evinə baxış zamanı əlavə 0,602 qram heroin, Səbail RPİ əməkdaşları Gürcüstan vətəndaşları Merab Davaşvilidən 0,328 qram, Akaki Mtskazaraşvilidən isə 0,311 qram heroin götürmüşlər. Ağdaş RPŞ əməkdaşları tərəfindən Davudlu kənd bələdiyyəsinə məxsus 1,8 sot sahədən yabanı halda bitmiş, çəkisi 1 ton 73 kiloqram olan 2364 ədəd çətənə kolu yığılaraq məhv edilmişdir.