Yasamal rayonundakı A.Qarayev küçəsində bir nəfərin ölümü ilə nəticələnən yanğın baş vermişdir

31.05.2008

Saat 18.30 radələrində Yasamal rayonundakı A.Qarayev küçəsində, həmin küçə ev 92-də yaşayanlar Firdovsi Məmmədov, qonşusu Firəngiz Rəhimova arasında məişət zəminində münaqişə baş vermişdir. Bununla əlaqədar F.Məmmədov F. Rəhimovaya məxsus 2 otaqlı evə gəlmiş, qapını sındıraraq oranı qəsdən yandırmışdır. Yanğın sonradan qonşuluqda yaşayan Bayram Söhbətova məxsus 3 otaqlı evə keçmişdir. Nəticədə bütövlükdə F.Rəhimovanın, 40 kvm. sahədə isə B.Söhbətovun evlərinin yanar konstruksiyaları və oradakı əşyalar yanmışdır. Yanğın söndürüldükdən sonra B.Söhbətovun tüstüdən boğulmuş meyiti tapılmış, FHN-in əməkdaşı Anar Əlibəndəliyev dəm qazından zəhərlənmə ilə xəstəxanaya yerləşdirilmişdir. Faktla əlaqədar cinayət işi başlanmış, araşdırmalar aparılır.