DİO əməkdaşları tərəfindən silah-sursat və vasitələri götürülmüşdür
15.02.2008Ağstafa RPŞ əməkdaşları tərəfindən rayon ərazisindən 1 ədəd "AKM" silahı, 1 ədəd lüləsi kəsilmiş ov tüfəngi, 6 ədəd qumbara, 595 ədəd müxtəlif çaplı patron və 5 ədəd patron darağı tapılmışdır. Şəki ŞRPŞ əməkdaşları tərəfindən rayon ərazisindən 1 ədəd "TOZ-8", 1 ədəd nömrəsiz "Karabin", 1 ədəd ov tüfəngi, 6 ədəd qumbara, 4 ədəd qumbara alışdırıcısı, 1 ədəd tüstüverici şaşka, 481 ədəd müxtəlif çaplı patron və 7 ədəd patron darağı tapılmışdır. Beyləqan RPŞ əməkdaşlarının keçirdikləri əməliyyat tədbirləri nəticəsində Füzuli rayon sakini Məcid Mahmudovdan 1 ədəd "AKS" silahı, 1 ədəd süngü-bıçaq və 1 ədəd patron darağı götürülmüşdür.
Çap et