Xətai rayonu ərazisində sərnişin qismində mindikləri avtomobilin sürücüsünə qarşı soyğunçuluq törətməkdə şübhəli bilinənlərdən biri saxlanılmış, digəri isə müəyyən edilmişdir
18.10.2019Xətai RPİ-nin 37-ci Polis Şöbəsinə müraciət edən Qazax rayon sakini A.Bağırov oktyabrın 17-də saat 19 radələrində idarə etdiyi “Opel” markalı avtomobilə sərnişin qismində minən 2 nəfərin onu döyərək 88 manat pulunu və mobil telefonunu apardıqlarını bildirmişdir.
Keçirilmiş təxirəsalınmaz əməliyyat-axtarış tədbirləri nəticəsində soyğunçuluğu törətməkdə şübhəli bilinənlərdən Gəncə şəhər sakini S.Ələkbərov qısa müddətdə müəyyən edilərək polis əməkdaşları tərəfindən saxlanılmış, digər şəxs isə müəyyən edilmişdir.
Xətai RPİ tərəfindən araşdırma aparılır.
Çap et