Avtomaşın qaçırmış Asif Abışovun tutulması üçün tədbirlər görülür
09.11.2007Saat 12.00 radələrində Masallı şəhərinin ərazisində, Qarabağ küçəsində dövlət tanınma nişanları olmayan "VAZ-2108" markalı, gümüşü rəngli avtomaşın aşkar edilmişdir. Masallı RPŞ əməkdaşlarının keçirdikləri əməliyyat-axtarış tədbirləri nəticəsində avtomaşının Ramiz Əliyevə məxsus olması və Bakı şəhər sakini Asif Abışov tərəfindən qaçırılması müəyyən edilmişdir. Eləcə də, A.Abışovun dövlət tanınma nişanları olmayan "VAZ-2103" markalı sarı rəngli avtomaşını Masallı şəhərində avtomaşınların rənglənmə sexinə rəngləmək üçün verməsi müəyyən edilmişdir. A.Abışovun anası, Əhmədli kənd sakini Kifayət Məmmədovanın həyətinə baxış zamanı həmin avtomaşına məxsus mühərrik və ehtiyat hissələri aşkar edilərək götürülmüşdür. Habelə A.Abışovun qayınatası, Şərəfə kənd sakini Təhməz Məmmədovun həyətinə baxış zamanı Xırdalan qəsəbə sakini Rəşid Məmmədova məxsus "BMW" markalı avtomaşın aşkar edilmiş və avtomaşının mühərrikinin nömrəsinin silinməsi müəyyən edilmişdir. Noyabrın 4-də A.Abışov "VAZ-2106" markalı qırmızı rəngli avtomaşını Bakı şəhərinin ərazisində idarə edərkən yol hərəkəti qaydalarını pozmuş və bununla əlaqədar həmin avtomaşın DİN Baş Dövlət Yol Polisi İdarəsinin Göytəpə postunda saxlanılmışdır. Asif Abışovun tutulması üçün tədbirlər görülür.
Çap et