Külli miqdarda narkotik qanunsuz dövriyyədən çıxarılıb
20.01.2018Ötən gün daxili işlər orqanlarının narkotiklərə qarşı keçirdikləri uğurlu əməliyyat tədbirləri nəticəsində dövriyyədən külli miqdarda narkotik vasitə çıxarılıb.
Belə ki, Gəncə Şəhər Baş Polis İdarəsi əməkdaşlarının keçirdikləri əməliyyat-axtarış tədbirləri nəticəsində Kəpəz rayon sakini, əvvəllər məhkum olunmuş Arzu Musayevdən 15 kiloqram 890 qram marixuana və 650 qram tiryək götürülüb.
Saxlanılan şəxs maddi sübutla birgə istintaqa təhvil verilib.Faktla bağlı cinayət işi başlanılıb.
Çap et