Avtomobil qaçırmış dəstə üzvləri tutulmuşlar
17.10.2014Bakı BPİ-nin Təhlükəsiz Şəhər Xidməti və Sabunçu RPİ 14-cü PB əməkdaşlarının həyata keçirdikləri əməliyyat-axtarış tədbirləri nəticəsində oktyabrın 14-də Münasib Hüseynliyə məxsus “VAZ-2106” markalı avtomobili qaçırmış Bakı şəhər sakinləri Fərid Əsgərov, Əziz Quliyev və Mirsaleh Axundov tutulmuşlar. F.Əsgərovun ətrafında aparılmış əməliyyat tədbirləri ilə onun sentyabrın 26-27-də Sabunçu qəsəbə sakinləri Emil Muradov, Qüdrət Əliyev, Nicat Abdullayev, Vasif Baxşıyev ilə birgə Şöhrət Zülfüqarova və Yalçın İsmayılova məxsus “VAZ” markalı avtomobilləri qaçırdıqdan sonra yandırmaları da müəyyən edilmişdir.
Həyata keçirilmiş əməliyyat-axtarış tədbirləri nəticəsində E.Muradov, Q.Əliyev, N.Abdullayev və V.Baxşıyev tutulmuşlar.