Yanvarın 19-da Kəpəz rayonu ərazisində naməlum şəxs Gəncə şəhər sakini Akif Həsənovun idarə etdiyi "VAZ-2105" markalı avtomaşına sərnişin qismində oturub Göygöl rayonunun Dozlar kəndinə gedəcəyini bildirmişdir. Həmin şəxs Dozlar kəndinə getdikdən sonra yenidən Gəncə şəhərinə qayıtmış, şəhərin ərazisində A.Həsənovu bıçaqla hədələyərək 14 manat pulunu, 1 ədəd mobil telefonunu, şəxsi sənədlərini alıb, avtomaşından düşürmüş və avtomaşını qaçırmışdır. Avtomaşın həmin gün şəhər ərazisində tapılmışdır. Kəpəz RPŞ əməkdaşlarının həyata keçirdikləri əməliyyat-axtarış tədbirləri nəticəsində hadisənin şəhər sakini Rauf Quliyev tərəfindən törədilməsi müəyyən edilmişdir. Əməliyyat-axtarış tədbirləri Kəpəz RPİ tərəfindən aparılır.