Fevralın 23-də saat 18.20 radələrində Sumqayıt şəhəri H.Z.Tağıyev qəsəbə sakini Vüqar Tapdıqovun idarə etdiyi "VAZ-2107" markalı avtomaşınla Corat qəsəbə sakini Ağaəli Dadaşovun idarə etdiyi "Hyundai" markalı avtobus toqquşmuşdur.
Nəticədə V.Tapdıqov hadisə yerində ölmüş, xəsarət almış A.Dadaşov və sərnşinləri, Bakı şəhər sakinləri Elvina Quliyeva, İsmayıl İmamzadə, Əli Muradov və Dəvəçi rayon sakini Hüseynağa Hüseynov isə xəstəxanaya yerləşdirilmişlər. A.Dadaşovun vəziyyəti orta-ağır, digərlərinə ilkin tibbi yardım göstərildikdən sonra buraxılmışlar.
Sumqayıt ŞPİ tərəfindən araşdırma aparılır.