DIO əməkdaşları tərəfindən vətəndaşlardan narkotik vasitələr götürülmüşdür

26.02.2006

Bakı şəhər BPİ Narkotiklərlə Mübarizə İdarəsi əməkdaşlarının keçirdikləri əməliyyat tədbiri nəticəsində, Bakı şəhər sakini Rəşad Ağayev 0,192 qram heroini satarkən tutulmuşdur. Nərimanov RPİ 16-cı PB əməkdaşlarının keçirdikləri əməliyyat tədbiri nəticəsində, Naxçıvan şəhər sakini Zaur Salmanov, Bakı şəhər sakini, əvvəllər məhkum olunmuş Elşad Məmmədzadə və əvvəllər məhkum olunmuş Elşən Əliyev 0,212 qram heroini, Sahil qəsəbə sakini Elman İmanova 100 min manata satdıqları üçün tutulmuşlar. Səbail RPİ əməkdaşlarının keçirdikləri əməliyyat tədbiri nəticəsində, Bakı şəhər sakini Elşad Mustafayevdən 0,202 qram heroin, Nəsimi RPİ 22-ci PB əməkdaşlarının keçirdikləri əməliyyat tədbiri nəticəsində, Bakı şəhər sakini, əvvəllər məhkum olunmuş Cavid Talıbzadədən 46,94 qram marixuana, Xətai RPİ əməkdaşlarının keçirdikləri əməliyyat tədbiri nəticəsində, Yeni Günəşli qəsəbə sakini Namiq Məmmədəliyevdən 0,212 qram heroin, Sumqayıt ŞPİ əməkdaşlarının keçirdikləri əməliyyat tədbiri nəticəsində, şəhər sakini Ramil Məhərrəmovdan 0,297 qram heroin və 0,35 milliqram maye prekursor, Nəqliyyatda Baş Polis İdarəsi əməkdaşlarının keçirdikləri əməliyyat tədbiri nəticəsində isə Salyan rayon sakini Nüsrət Niftiyevdən 1,856 qram heroin və 1,6 qram həşiş götürülmüşdür. Xaçmaz RPŞ əməkdaşlarının keçirdikləri əməliyyat tədbiri nəticəsində, Qusarçay kənd sakini, əvvəllər məhkum olunmuş Məhərrəm Samullayev 25,62 qram marixuananı satarkən tutulmuşdur. M.Samullayevin evinə baxış zamanı əlavə 16,95 qram marixuana götürülmüşdür.