DİN-in struktur qurumlarının saytları
Görmə çətinliyi olanlar üçün:
image_20221228145032.jpg

DİN-in Polis Akademiyasında BMT-nin Ümumdünya İnsan Hüquqları Bəyannaməsinin 74 illiyinə həsr edilmiş beynəlxalq konfrans keçirilib

28.12.2022

Daxili İşlər Nazirliyinin Polis Akademiyasında qarşılıqlı əlaqələrin inkişaf etdirilməsi məqsədilə Ümumdünya İnsan Hüquqları Bəyannaməsinin 74 illiyinə həsr olunan beynəlxalq elmi-praktik konfrans keçirilib. Tədbir iştirakçıları əvvəlcə Polis Akademiyasında Ulu öndərin abidəsi önünə gül dəstələri qoyub. Daha  sonra Ümummilli lider Heydər Əliyev və Azərbaycanın ərazi bütövlüyü uğrunda canlarından keçən şəhidlərimizin əziz xatirəsi bir dəqiqəlik sükutla yad edilib, Dövlət himni səsləndirilib. Tədbirdə BMT-nin İnsan Hüquqları Ali Komissarlığının, Beynəlxalq Qızıl Xaç Komitəsinin, Azərbaycan Respublikasının Milli Məclisinin, Ombudsman Aparatının, Konstitusiya Məhkəməsinin, eləcə də respublikamızın bir sıra dövlət qurumlarının və ali təhsil müəssisələrinin nümayəndələri iştirak ediblər. Konfransda 20 ölkədaxili qurumdan 35 əməkdaş birbaşa, Türkiyə Cümhuriyyəti, Rusiya Federasiyası, Belarus və Qazaxıstan Respublikalarının 14 təhsil müəssisəsindən 18 əməkdaş onlayn formatda iştirak ediblər.

Konfransı giriş sözü ilə açan daxili işlər nazirinin müavini, polis general-leytenantı İsmət Əliyev insan hüquq və azadlıqlarının üstünlüyünün daxili işlər orqanlarının fəaliyyətində mühüm əhəmiyyət kəsb etdiyini qeyd edib.

Tədbirdə Milli Məclis Sədrinin birinci müavini Əli Hüseynli, İnsan Hüquqları üzrə Müvəkkil Səbinə Əliyeva, Dövlət Gömrük Komitəsi, Dövlət Təhlükəsizlik Xidməti Akademiyalarının, Ədliyyə Nazirliyinin, Məhkəmə Hakimləri Assosiasiyaları İttifaqının, həmçinin Türkiyə, Rusiya Federasiyası və Belarus Respublikasının nümayəndələri çıxış ediblər.

Daha sonra mövzu ətrafında yerli və xarici iştirakçıların təqdimatları dinlənilib insan hüquq və azadlıqlarının təmin olunmasının demokratik ölkələrin əsas hədəflərindən biri olduğu vurğulanıb. Tədbirin sonunda  bəyannamə oxunub, iştirakçılara konfrans materialları və sertifikatlar təqdim edilib.

Youtube linki - https://www.youtube.com/watch?v=RX2cPAY2d1c

28.12.22_2

28.12.22_3

28.12.22_4

28.12.22_5