Axtarış

Virtual Karabakh Justice for khojaly

Krimnal xronika

tarixindən tarixinə
Oğurluqda şübhəli bilinən paytaxt sakini A.Əliyev saxlanılmışdır
21 yanvar 2021

Xətai RPİ 37-ci PŞ əməkdaşlarının keçirdikləri əməliyyat-axtarış tədbirləri nəticəsində yanvarın 21-nə keçən gecə M.Davud küçəsində Bakı şəhər sakini R.İsayevə məxsus “VAZ-2107” markalı avtomobildən 700 manat dəyərində maqnitofon, akkumulyator və səsgücləndiricilər oğurlamaqda şübhəli bilinən paytaxt sakini A.Əliyev saxlanılmışdır.

Oğurluqda şübhəli bilinən Hacıqabul şəhər sakini İ.Soltanov saxlanılmışdır
21 yanvar 2021

Hacıqabul RPŞ əməkdaşlarının keçirdikləri əməliyyat-axtarış tədbirləri nəticəsində yanvarın 11-dən 18-dək olan müddətdə şəhər ərazisindəki evlərin birindən 15.000 manat pul oğurlamaqda şübhəli bilinən şəhər sakini, əvvəllər məhkum olunmuş İ.Soltanov saxlanılmışdır.
Faktla əlaqədar Cinayət Məcəlləsinin 177-ci (oğurluq) maddəsi ilə cinayət işi başlanmışdır.

Hacıqabul rayonu ərazisində Bakı şəhər sakini E.Məlikovun idarə etdiyi avtomobildən narkotik vasitələr götürülmüşdür
21 yanvar 2021Hacıqabul RPŞ əməkdaşlarının daxil olmuş məlumat əsasında keçirdikləri əməliyyat-axtarış tədbiri nəticəsində Bakı şəhər sakini E.Məlikovun idarə etdiyi “Mercedes” markalı avtomobilə baxış zamanı oradan 705 qram heroin və 135 qram metamfetamin, sərnişini Masallı şəhər sakini, əvvəllər məhkum olunmuş N.Kərimovdan isə heroin, metamfetamin və marixuana aşkar edilərək götürülmüşdür.
Qəbələ rayon sakini S.Alməmmədovdan müvafiq sənədləri olmayan ov tüfəngi götürülmüşdür
21 yanvar 2021Qəbələ RPŞ əməkdaşlarının daxil olmuş məlumat əsasında keçirdikləri əməliyyat-axtarış tədbiri nəticəsində Nic qəsəbə sakini S.Alməmmədovdan müvafiq sənədləri olmayan “İJ-18 EM” markalı ov tüfəngi aşkar edilərək götürülmüşdür.
Daşkəsən rayonunun bir qrup sakinindən ov tüfəngləri götürülmüşdür
21 yanvar 2021Daşkəsən RPŞ əməkdaşlarının daxil olmuş məlumat əsasında keçirdikləri əməliyyat-axtarış tədbiri nəticəsində Covdar kənd sakinləri Ə.Musayevdən “İJ-18 EM”, N.Musayevdən “Escort” və oğlundan “İJ-17” markalı müvafiq sənədləri olmayan ov tüfəngləri götürülmüşdür.
Tərtər rayon sakini E.Bağırlıya məxsus evdən ov tüfəngi götürülmüşdür
21 yanvar 2021Tərtər RPŞ əməkdaşlarının daxil olmuş məlumat əsasında keçirdikləri əməliyyat-axtarış tədbiri nəticəsində Seydimli kənd sakini E.Bağırlıya məxsus evə baxış zamanı müvafiq sənədləri olmayan “İJ” markalı ov tüfəngi aşkar edilərək götürülmüşdür.
Polis əməkdaşlarının keçirdiyi sonuncu əməliyyatlar zamanı 14 kiloqrama yaxın narkotik vasitə qanunsuz dövriyyədən çıxarılıb
21 yanvar 2021

Daxili İşlər Nazirliyinin Baş Narkotiklərlə Mübarizə İdarəsinin əməkdaşları tərəfindən narkotik vasitələrin satışı, kultivasiyası və qanunsuz dövriyyəsi ilə məşğul olan şəxslərə qarşı əməliyyatlar davam etdirilir.

Daxil olmuş əməliyyat məlumatı əsasında həyata keçirilən tədbir zamanı əvvəlcə vətəndaş Etibar Yusifov saxlanılıb. Şəxsi axtarış zamanı ondan 47 qram heroin və narkotik vasitələrin onlayn satışı nəticəsində əldə etdiyi maddi vəsaitlərin toplandığı plastik kartlar aşkar edilərək götürülüb.

Əməliyyat tədbirlərinin davamı olaraq Etibar Yusifovun Abşeron rayonunda yaşadığı mənzilə baxış zamanı oradan 7 kiloqram 310 qram heroin, 2 kiloqram 440 qram qurudulmuş marixuana, 843 qram tiryək, 3 kiloqram 480 qram psixotrop maddə olan metamfetamin və 2 ədəd elektron tərəzi aşkar olunub.

Baş İdarə əməkdaşları tərəfindən narkotik tərkibli bitkilərin kultivasiyasının qarşısının alınması istiqamətində də əməliyyat tədbiri həyata keçirilib.  Belə ki, Abşeron rayonu Saray qəsəbəsində yaşayan Habil Qarayevin evinin zirzəmisində narkotik tərkibli bitkiləri əkib-becərdiyi barədə idarəyə əməliyyat məlumatı daxil olub. Həmin şəxs polis əməkdaşları tərəfindən saxlanılıb və evin zirzəmisinə baxış zamanı orada yaratdığı istixanadan xüsusi qulluq edilərək yetişdirdiyi ümumilikdə 60 ədəd çətənə bitkisinin kolları və şitilləri, eləcə də 300 qram qurudulmuş marixuana aşkar edilərək götürülüb. Habil Qarayev ifadəsində narkotik tərkibli bitkiləri bu ilin mart ayında əkdiyini və onların yetişməsi üçün zirzəmiyə xüsusi olaraq su, istilik və havalandırma sistemi çəkdiyini bildirib.

Qeyd edək ki, sonuncu əməliyyatlar zamanı Baş İdarənin  əməkdaşları tərəfindən 14 kiloqrama yaxın müxtəlif növ narkotik vasitə və psixotrop maddə qanunsuz dövriyyədən çıxarılıb. Faktlarla bağlı Cinayət Məcəlləsinin müvafiq maddələri ilə cinayət işi başlanılıb, adları çəkilən şəxslərin hər biri  tutularaq istintaqa təqdim olunublar, araşdırmalar davam etdirilir.

Postlardan keçməyə cəhd göstərən 2315 nəqliyyat vasitəsi müəyyən olunaraq geri qaytarılıb
21 yanvar 2021Koronavirus (COVID-19) infeksiyasının yayılmasının qarşısının alınması məqsədilə xüsusi karantin rejiminin tətbiq edildiyi 5 şəhərin və 12 rayonun giriş və çıxışlarında quraşdırılmış xüsusi postlarda Daxili İşlər Nazirliyinin hərbi qulluqçuları və polis əməkdaşları tərəfindən nəzarət-profilaktiki yoxlamalar davam etdirilir.

Dəfələrlə edilən xəbərdarlıqlara baxmayaraq, bəzi vətəndaşlar tərəfindən 2021-ci il yanvarın 20-də də karantin rejimi qaydalarının və tələblərinin pozulması halları aşkarlanmışdır.

Nəzarət-profilaktik tədbirlər nəticəsində postlardan müvafiq qaydada icazə almadan keçməyə cəhd göstərən 2315 nəqliyyat vasitəsi müəyyən olunaraq geri qaytarılıb. Eləcə də qeyd olunan müddətdə ölkə üzrə karantin rejimi qaydalarını pozan 3 nəfər barəsində həbs, 1296 nəfər barəsində digər inzibati tənbeh tədbirləri tətbiq olunub.   

Ev şəraitində müalicə təyin edilən 2 nəfər aktiv COVID-19 xəstəsi ictimai yerlərdə müəyyən olunaraq evə qaytarılıb və barələrində cinayət işi başlanılıb.     

Bu istiqamətdə həyata keçirilən bütün tədbirlər əhalinin təhlükəsizliyinin təmin edilməsi və onların sağlamlığının qorunmasına xidmət edir.
Gün ərzində törədilmiş 34 cinayətin üstü “isti izlər”lə açılmışdır
20 yanvar 2021

Respublikanın daxili işlər orqanları tərəfindən, gün ərzində törədilmiş 34 cinayətin üstü “isti izlər”lə açılmışdır.  

  • Əvvəlki dövrlərdən bağlı qalmış 3 cinayətin açılması təmin olunmuşdur.    
  • Axtarışda olduğuna görə ümumilikdə 8 nəfər, o cümlədən borclu şəxs qismində axtarışda olan 4 nəfər saxlanılaraq aidiyyəti üzrə təhvil verilmişdir.
  • Respublikanın avtomobil yollarında 3 yol-nəqliyyat hadisəsi baş vermiş, nəticədə 2 nəfər ölmüş, 1 nəfər xəsarət almışdır.   
  • Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 23, qanunsuz saxlanılan silah-sursatla bağlı 2 fakt müəyyən edilmişdir.
  • Cinayət törətməkdə şübhəli bilinən 41 nəfər saxlanılmışdır.

Sumqayıt şəhərinin Azərbaycan prospektində yol-nəqliyyat hadisəsi
20 yanvar 2021

Yanvarın 20-də saat 8 radələrində Sumqayıt şəhərinin Azərbaycan prospektində müəyyən edilməmiş avtomobillə yolu keçən şəhər sakini C.İsmayılova vurulmuş və nəticədə piyada aldığı xəsarətlərdən hadisə yerində ölmüşdür.
Sumqayıt ŞPİ tərəfindən əməliyyat-axtarış tədbirləri aparılır.