Axtarış

Virtual Karabakh Karabakh Justice for khojaly

Krimnal xronika

tarixindən tarixinə
Nərimanov rayonunun Z.Bünyadov prospektində yol-nəqliyyat hadisəsi
14 noyabr 2017

Noyabrın 14-də saat 7 radələrində Nərimanov rayonunun Z.Bünyadov prospektində müəyyən edilməmiş avtomobillə yolu keçən Bakı şəhər sakini Məlahət Hüseynova vurulub və nəticədə piyada hadisə yerində ölüb.
Nərimanov RPİ tərəfindən əməliyyat-axtarış tədbirləri aparılır.

300 metr elektrik naqilini oğurlamaqda şübhəli bilinən 2 yeniyetmə saxlanılıb
14 noyabr 2017

Xəzər RPİ 2-ci PB əməkdaşlarının keçirdikləri əməliyyat-axtarış tədbirləri nəticəsində noyabrın 4-dən 14-dək olan müddətdə Xəzər rayonunun Binə qəsəbəsində tikintisi başa çatmamış evlərin birindən 300 metr elektrik naqilini oğurlamaqda şübhəli bilinən 2 yeniyetmə saxlanılıb.
Ətraflarında aparılan əməliyyat tədbirləri ilə onların noyabrın 9-10-da tikintisi başa çatmamış daha 2 evdən də  elektrik naqilləri oğurlamaları müəyyən edilib.

Oğurluq etməkdə şübhəli bilinən Bakı şəhər sakini Əli Qədəşov tutulub
14 noyabr 2017

Noyabrın 14-də saat 8 radələrində Binəqədi rayonu ərazisində Abşeron rayon sakini Elxan Hacıyevin içərisində 43 manat olan pulqabısı cibindən oğurlanıb.
Oğurluğu törətməkdə şübhəli bilinən Bakı şəhər sakini, əvvəllər məhkum olunmuş Əli Qədəşov Binəqədi RPİ 7-ci PB əməkdaşları tərəfindən tutulub.

Yol-nəqliyyat hadisəsi törətməkdə şübhəli bilinən Bakı şəhər sakini Şəhriyar Əliyev saxlanılıb
14 noyabr 2017

Nərimanov RPİ əməkdaşlarının keçirdikləri əməliyyat-axtarış tədbirləri nəticəsində cari il oktyabrın 28-də Südabə Məmmədovanın xəsarət alması ilə nəticələnən yol-nəqliyyat hadisəsini törətməkdə şübhəli bilinən “Lexus” markalı avtomobilin sürücüsü Bakı şəhər sakini Şəhriyar Əliyev saxlanılıb.

Mağazaların birindən oğurluqda şübhəli bilinən 4 yeniyetmə saxlanılıb
14 noyabr 2017

Nəsimi RPİ 20-ci PB əməkdaşlarının keçirdikləri əməliyyat-axtarış tədbirləri nəticəsində noyabrın 13-də rayon ərazisindəki mağazaların birindən 32 manat, 2 mobil telefon və səsgücləndirici oğurlamaqda şübhəli bilinən 4 yeniyetmə saxlanılıb.

Oğurluq etməkdə şübhəli bilindiyinə görə saxlanılan Nuhan Gülümcanovun daha bir mağazadan oğurluq etdiyi müəyyən edilib
14 noyabr 2017

Oğurluq etməkdə şübhəli bilindiyinə görə saxlanılan Nuhan Gülümcanovun ətrafında Nəsimi RPİ 22-ci PB-nin əməkdaşları tərəfindən aparılan əməliyyat tədbirləri ilə onun cari il avqustun 5-də rayon ərazisindəki mağazaların birindən 200 manat, 8 mobil telefon və yaddaş kartı oğurlaması da  müəyyən edilib.

Oğurluqda şübhəli bilinən Cavad Cavadov tutulub
14 noyabr 2017

Sumqayıt ŞPİ 2-ci PB əməkdaşlarının keçirdikləri əməliyyat-axtarış tədbirləri nəticəsində 2013-cü il noyabrın 24-də şəhər ərazisindəki evlərin birindən 1000 ABŞ dolları, qızıl və məişət əşyaları oğurlamaqda şübhəli bilinən, əvvəllər məhkum olunmuş Cavad Cavadov tutulub.

Oğurluqda şübhəli bilinən Bərdə rayon sakinləri Cavid Əliyev və Elsevər Abidov tutulublar
14 noyabr 2017

Kəpəz RPİ və Ucar RPŞ əməkdaşlarının keçirdikləri əməliyyat-axtarış tədbirləri nəticəsində cari il oktyabrın 1-də Gəncə şəhərindəki zavodlardan birinin həyətindən  12 ədəd mühərrik və 2 ədəd elektrik açarı oğurlamaqda şübhəli bilinən Bərdə rayon sakinləri, əvvəllər məhkum olunmuşlar Cavid Əliyev və Elsevər Abidov tutulublar.

Oğurluqda şübhəli bilinən Füzuli rayonunun Kürdmahmudlu kənd sakini Elçin Əliyev və Ağstafa rayon sakini Sara Bukavadze tutulublar
14 noyabr 2017

Füzuli RPŞ əməkdaşlarının keçirdikləri əməliyyat-axtarış tədbirləri nəticəsində noyabrın 13-nə keçən gecə rayon ərazisindəki 2 mağazadan 98 manat, tütün məmulatı və danışıq kartları oğurlamaqda şübhəli bilinən Kürdmahmudlu kənd sakini, əvvəllər məhkum olunmuş Elçin Əliyev və Ağstafa rayon sakini Sara Bukavadze tutulublar.

15 baş qoyun oğurlamaqda şübhəli bilinən Şəmkir rayon sakini Elman Nağıyev tutulub, daha 1 nəfər müəyyən edilib
14 noyabr 2017

Şəmkir RPŞ əməkdaşlarının keçirdikləri əməliyyat-axtarış tədbirləri nəticəsində noyabrın 9-da Gülzar İbrahimovaya məxsus həyətyanı sahədən 15 baş qoyun oğurlamaqda şübhəli bilinən rayon sakini, əvvəllər məhkum olunmuş Elman Nağıyev tutulub, daha 1 nəfər müəyyən edilib.
Ətrafında aparılan əməliyyat tədbirləri ilə onun cari il iyulun 26-dan oktyabrın 9-dək olan müddətdə daha 3 həyətyanı sahədən ümumilikdə 15 baş inək oğurlaması da müəyyən edilib.