Axtarış

Virtual Karabakh Karabakh Justice for khojaly

Krimnal xronika

tarixindən tarixinə
Gün ərzində 79 cinayət faktı qeydə alınıb
14 yanvar 2018Respublikanın daxili işlər orqanları tərəfindən gün ərzində 79 cinayət faktı qeydə alınıb, onların da 17-si “isti izlər”lə açılıb.

  • Axtarışda olduğuna görə 7 nəfər saxlanılaraq aidiyyatı üzrə təhvil verilib.
  • Respublikanın avtomobil yollarında 5 yol-nəqliyyat hadisəsi baş verib, nəticədə 4 nəfər ölüb, 3 nəfər xəsarət alıb.
  • Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 6 fakt müəyyən edilib.
  • Cinayət törətməkdə şübhəli bilinən 22 nəfər saxlanılıb.

Oğurluqda şübhəli bilinən Bakı şəhər sakini Ataş Əhmədov, Zərdab rayon sakini İlham Ağayev və Cəlilabad rayon sakini Rəşad Əsədov saxlanılmışlar
13 yanvar 2018

Qaradağ RPİ 38-ci PB əməkdaşlarının keçirdikləri əməliyyat-axtarış tədbirləri nəticəsində rayon ərazisindəki daş karxanalarından birindən hər birinin uzunluğu 12 metr olan  14 ədəd rels və 2 ədəd daşkəsən aparat oğurlamaqda şübhəli bilinən Bakı şəhər sakini Ataş Əhmədov, Zərdab rayon sakini İlham Ağayev və Cəlilabad rayon sakini, əvvəllər məhkum olunmuş Rəşad Əsədov saxlanılmışlar.

Soyğunçuluq etməkdə şübhəli bilinən Şabran rayon sakini Aydın Hacıyev saxlanılmışdır
13 yanvar 2018

Yanvarın 13-də Səbail rayonu ərazisində naməlum şəxs Bakı şəhər sakini Svetlana Kolodinaya zor tətbiq edib içərisində pul və sənəd olan pulqabısını almışdır.
Səbail RPİ 39-cu PB əməkdaşlarının keçirdikləri əməliyyat-axtarış tədbirləri nəticəsində soyğunçuluğu törətməkdə şübhəli bilinən Şabran rayon sakini, əvvəllər məhkum olunmuş Aydın Hacıyev saxlanılmışdır.

Velosiped oğurlamaqda şübhəli bilinən Sumqayıt şəhər sakini Cəlal Musayev saxlanlıb
13 yanvar 2018

Yanvarın 12-də Sumqayıt şəhəri H.Z.Tağıyev qəsəbəsindəki evlərdən birinin həyətinə girmiş naməlum şəxs açıq talama yolu ilə oradan velosiped aparmışdır.
Soyğunçuluğu törətməkdə şübhəli bilinən şəhər sakini, əvvəllər məhkum olunmuş Cəlal Musayev Baş Mühafizə İdarəsinin Həyat Əhəmiyyətli Obyektlərin Mühafizəsi üzrə Polis Alayının əməkdaşları tərəfindən saxlanılaraq 2-ci Polis Bölməsinə təhvil verilmişdir.

İmişli şəhərinin ərazisində yol-nəqliyyat hadisəsi
13 yanvar 2018

Yanvarın 13-də saat 12 radələrində İmişli şəhərinin ərazisində rayon sakini Səccadi Mehdiyev idarə etdiyi “Mercedes” markalı avtomobillə yolu keçən Yalavac kənd sakini Zahid Dəmirovu vurmuşdur. Nəticədə xəstəxanaya yerləşdirilmiş piyada orada ölmüşdür.
İmişli RPŞ tərəfindən araşdırma aparılır.

5 baş qoyun oğurlamaqda şübhəli bilinən Göyçay şəhər sakini Elnur Cəfərov saxlanılmışdır
13 yanvar 2018

Göyçay RPŞ əməkdaşlarının keçirdikləri əməliyyat-axtarış tədbirləri nəticəsində yanvarın 11-də Əyyub Yaqubova məxsus həyətyanı sahədən 5 baş qoyun oğurlamaqda şübhəli bilinən şəhər sakini Elnur Cəfərov saxlanılmışdır.

Yol-nəqliyyat hadisəsi zamanı xəsarət almış Zərdab şəhər sakini İlyas Musayev yerləşdirildiyi xəstəxanada ölüb
13 yanvar 2018

Yanvarın 9-da saat 6:00 radələrində Zərdab rayonunun Mollakənd kəndində Dəkkəoba kənd sakini Zamiq Əsədov idarə etdiyi “Mercedes” markalı avtomobillə yolu keçən şəhər sakini İlyas Musayevi vurmuşdur. Nəticədə xəstəxanaya yerləşdirilmiş piyada yanvarın 13-də orada ölmüşdür.
Zərdab RPŞ tərəfindən araşdırma aparılır.

Gün ərzində 104 cinayət faktı qeydə alınıb
13 yanvar 2018Respublikanın daxili işlər orqanları tərəfindən gün ərzində 104 cinayət faktı qeydə alınıb, onların da 21-i “isti izlər”lə açılıb.

  • Axtarışda olduğuna görə 6 nəfər saxlanılaraq aidiyyatı üzrə təhvil verilib.
  • Respublikanın avtomobil yollarında 5 yol-nəqliyyat hadisəsi baş verib, nəticədə 2 nəfər ölüb, 4 nəfər xəsarət alıb.
  • Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 10 fakt müəyyən edilib.
  • Cinayət törətməkdə şübhəli bilinən 24 nəfər saxlanılıb.

Əhalinin ərzaq təhlükəsizliyinin təmin edilməsi istiqamətində tədbirlər davam etdirilir
12 yanvar 2018Polis orqanları tərəfindən əhalinin ərzaq təhlükəsizliyinin təmin edilməsi, insan sağlamlığına ciddi zərər vuran, istifadəyə yararsız yeyinti məhsullarının satışının qarşısının alınması istiqamətində tədbirlər davam etdirilir.

Növbəti belə tədbir Xaçmaz rayonu ərazisində həyata keçirilib və nəticədə xeyli miqdarda mənşəyi məlum olmayan ət məhsulları aşkar edilərək götürülüb.

Yanvarın 12-də daxil olmuş məlumat əsasında Daxili İşlər Nazirliyinin Baş İctimai Təhlükəsizlik İdarəsinin Karantin tədbirlərini təmin edən Əlahiddə Polis Taborunun Kənd Təsərrüfatı Nazirliyinin Dövlət baytarlıq nəzarəti xidmətinin əməkdaşları ilə birgə keçirdikləri tədbirlər zamanı Xaçmaz rayonu ərazisində Tovuz rayon sakini Nicat Məmmədovun idarə etdiyi “Mercedes” markalı avtomobilə baxış keçirilib.

Bu zaman avtomobilin yük yerində qeyri-qanuni, antisanitar şəraitdə, üst-üstə yığılmış vəziyyətdə daşınan, mənşəyinə və  sağlamlığına dair heç bir sənəd olmayan çəkisi 90 kiloqram at əti aşkar edilərək götürülüb.

Ətdən götürülən nümunələr ekspertizadan keçirilməsi üçün Dövlət Baytarlıq Xidmətinin laboratoriyasına təhvil verilib. Müayinənin nəticəsindən asılı olaraq qanunvericiliklə müəyyən olunmuş qaydada tədbirlər görüləcək.
Bakı şəhər sakini V.Məsimovun “Chevrolet” markalı avtomobilini qaçırmaqda şübhəli bilinən Şəki şəhər sakini S.Əsgərov saxlanılıb
12 yanvar 2018Yanvarın 9-na keçən gecə Yasamal Rayon Polis İdarəsinin 29-cu Polis Bölməsinə Bakı şəhər sakini Valeh Məsimovun “Chevrolet” markalı avtomobilinin qaçırılması barədə məlumat daxil olub. Zərərçəkən şəxs hadisənin 7-ci Alatava yaşayış sahəsində baş verdiyini bildirib.

Dərhal əməliyyat-axtarış tədbirlərinə başlanılıb və qeyd edilən avtomobil həmin gün saat 23 radələrində İsmayıllı rayonunun Zərgəran kəndi ərazisində Baş Dövlət Yol Polisi İdarəsinin əməkdaşları tərəfindən yolun kənarındakı ağaca vurulmuş vəziyyətdə tapılıb.

Davam etdirilən tədbirlərlə avtomobili qaçıran şəxs müəyyən edilib.  

29-cu Polis Bölməsi və Şəki Şəhər-Rayon Polis Şöbəsi əməkdaşlarının birgə keçirdikləri əməliyyat tədbirləri ilə avtomobili qaçırmaqda şübhəli bilinən Şəki şəhər sakini Seymur Əsgərov saxlanılıb.  

Araşdırma aparılır.