Axtarış

Virtual Karabakh Karabakh Justice for khojaly

Krimnal xronika

tarixindən tarixinə
Oğurluq etdiyinə görə tutulmuş Vaqif Allahyarovun törətdiyi digər oğurluq əməlləri də müəyyən edilib
09 yanvar 2018

Oğurluq etdiyinə görə tutulmuş Vaqif Allahyarovun ətrafında Suraxanı RPİ 32-ci PB-nin əməkdaşları tərəfindən aparılmış əməliyyat tədbirləri ilə onun 2 nəfərə məxsus velosipedi, 2 həyətyanı sahədən 2 ədəd plastik pəncərə, su mühərriki və 1 avtomobildən maqnitofon oğurlaması da müəyyən edilmişdir.

Quldurluqda şübhəli bilinən Yevlax rayon sakini Tural Mustafayev saxlanılmışdır
09 yanvar 2018

Suraxanı RPİ 32-ci PB və Yevlax RPŞ əməkdaşlarının keçirdikləri əməliyyat-axtarış tədbirləri nəticəsində yanvarın 8-də Anar Mirzəbəyovun mobil telefonunu quldurluq yolu ilə almaqda şübhəli bilinən Yevlax rayon sakini Tural Mustafayev saxlanılmışdır.

Oğurluqda şübhəli bilinən Siyəzən rayon sakini İntiqam Balayev saxlanılmışdır
09 yanvar 2018

Sumqayıt ŞPİ 2-ci PB əməkdaşlarının keçirdikləri əməliyyat-axtarış tədbirləri nəticəsində şəhər ərazisində 2 evdən və  həyətyanı sahədən avtomobilə aid ehtiyat hissələri, 35 metr elektrik naqili və məişət əşyaları oğurlamaqda şübhəli bilinən Siyəzən rayon sakini, əvvəllər məhkum olunmuş İntiqam Balayev saxlanılmışdır.

Oğurluqda şübhəli bilinən Gəncə şəhər sakini Zaur İsmayılov saxlanılmışdır
09 yanvar 2018

Kəpəz RPİ əməkdaşlarının keçirdikləri əməliyyat-axtarış tədbirləri nəticəsində rayon ərazisində 1 həyətyanı sahədən 16 ev quşu, 1 evdən 40 metr elektrik, 2 evdən su sayğacları, 4 avtomobildən akkumulyator və səsgücləndiricilər, habelə 1 qadının geyim əşyasını oğurlamaqda şübhəli bilinən Gəncə şəhər sakini Zaur İsmayılov saxlanılmışdır.

Şəmkir rayonunun Dəllər-Cəyir kənd sakini Rəşad Verdiyevdən müvafiq sənədləri olmayan ov tüfəngi və 8 ədəd patron götürülmüşdür
09 yanvar 2018

Şəmkir RPŞ-nin əməkdaşları tərəfindən Dəllər-Cəyir kənd sakini Rəşad Verdiyevdən müvafiq sənədləri olmayan “İJ” markalı ov tüfəngi və 8 ədəd patron götürülmüşdür.

Sabunçu rayonu ərazisindəki kompyuter salonlarının birindən oğurluq edən şəxslər saxlanılıblar
08 yanvar 2018Sabunçu Rayon Polis İdarəsinin 13-cü Polis Bölməsinə L.Məmmədbəyli küçəsindəki kompyuter salonlarından birindən oğurluq edilməsi barədə müraciət daxil olub.

Əməliyyat qrupu tərəfindən hadisə yerində müvafiq tədbirlər həyata keçirilib. Araşdırmalarla salona pəncərədən girmək yolu ilə 9 ədəd oyun aparatı, noutbuk və 9 ədəd pultun oğurlandığı məlum olub.

Həyata keçirilən əməliyyat-axtarış tədbirləri ilə oğurluğu 3 nəfərin törətdiyi müəyyən edilib. Görülmüş tədbirlərlə Bakı şəhər sakinləri Fərid Şabanov, Ağa Əsgərov və Elvin Vəliyev saxlanılıblar. Onlar törətdikləri bu cinayət əməlini etiraf ediblər.

Saxlanılan şəxslər maddi sübutlarla birgə istintaqa təhvil veriliblər.

Faktla bağlı Rayon Polis İdarəsinin İstintaq şöbəsində cinayət işi başlanılıb.
Sumqayıt şəhərində narkotiklərin qanunsuz dövriyyəsində şübhəli bilinən şəxs saxlanılıb
08 yanvar 2018Baş Narkotiklərlə Mübarizə İdarəsi əməkdaşlarının keçirdikləri əməliyyat tədbirləri nəticəsində Sumqayıt şəhərində narkotiklərin qanunsuz dövriyyəsində şübhəli bilinən şəxs saxlanılıb. Araşdırmalarla onun  şəhər sakini, əvvəllər məhkum olunmuş Ağaverdi Qarayev olduğu məlum olub. Baxış zamanı onun üzərindən 20,134 qram heroin aşkar edilərək götürülüb.

Əməliyyat-axtarış tədbirlərinin davamı olaraq onun yaşadığı evə də baxış keçirilib və oradan əlavə olaraq 180,025 qram heroin aşkar edilərək götürülüb.

Polis əməkdaşları tərəfindən A.Qarayevin narkotiki əldə etdiyi mənbə də müəyyən edilib. Görülmüş tədbirlərlə narkovasitəni ona satmaqda şübhəli bilinən həmyerlisi, əvvəllər məhkum olunmuş Elçin Xankişiyev də saxlanılıb. Baxış zamanı ondan 2,015 qram heroin götürülüb.

Saxlanılan şəxslər maddi sübutlarla birgə istintaqa təhvil veriliblər.

Faktla bağlı cinayət işi başlanılıb, istintaq-əməliyyat tədbirləri aparılır.
Qanunsuz silahların yığılması diqqət mərkəzindədir
08 yanvar 2018Daxili işlər orqanları tərəfindən qanunsuz saxlanılan silah-sursatın aşkar edilərək götürülməsi, eyni zamanda könüllü təhvil verilməsi məqsədi ilə uğurlu əməliyyat-axtarış və profilaktiki tədbirlər davam etdirilir.  

Əldə edilən əməliyyat məlumatı əsasında  Baş Mütəşəkkil Cinayətkarlıqla Mübarizə İdarəsinin Bərdə Rayon Polis Şöbəsi əməkdaşları ilə birgə  keçirdikləri əməliyyat tədbirləri nəticəsində Güloğlular kəndi ərazisində rayon sakini Taleh Qasımovun idarə etdiyi “VAZ-2107” markalı avtomobilə baxış zamanı oradan “TT” markalı tapança və 3 ədəd patron aşkar edilərək götürülüb.

Yanvarın 8-də Ucar Rayon Polis Şöbəsi əməkdaşlarının keçirdikləri əməliyyat tədbirləri nəticəsində narkotiklərin qanunsuz dövriyyəsində şübhəli bilinən Yuxarı Şilyan kənd sakini Sadəddin Qasımov saxlanılıb. Baxış zamanı onun üzərindən 120 qram marixuana aşkar edilərək götürülüb.

Davam etdirilən əməliyyat-axtarış tədbirləri ilə saxlanılan şəxsin  yaşadığı evə baxış zamanı isə müvafiq sənədləri olmayan ov tüfəngi aşkar edilərək götürülüb.  

Həmin gün Laçın Rayon Polis Şöbəsinin əməkdaşları tərəfindən isə rayon sakini Surxay Həsənovdan müvafiq sənədləri olmayan “TOZ-16” markalı ov tüfəngi götürülüb.  

Polis əməkdaşları tərəfindən mütəmadi aparılan profilaktiki tədbirlər nəticəsində xeyli sayda silah-sursat polis orqanlarına təhvil verilib.  

Naxçıvan şəhər sakini Mayis Səfərov tapdığı 1 ədəd “AK” markalı silahı, 2 ov tüfəngini, 1 ədəd “ES” markalı pnevmatik tir silahını və 1 ədəd “Voltran” markalı qaz tapançasını könüllü olaraq Naxçıvan MR DİN-in Mühafizə Şöbəsinə təhvil verib.  

Əməliyyat tədbirləri nəticəsində Mingəçevir Şəhər Polis Şöbəsinin əməkdaşları tərəfindən şəhər ərazisindəki məişət tullantıları yığılan ərazidən 1 ədəd “AK-74” markalı silah, 52 ədəd patron və 2 ədəd patron darağı tapılıb.

Silah-sursatlar aidiyyatı üzrə təhvil verilib.
Gün ərzində 124 cinayət faktı qeydə alınıb
08 yanvar 2018

Respublikanın daxili işlər orqanları tərəfindən gün ərzində 124 cinayət faktı qeydə alınıb, onların da 26-sı “isti izlər”lə açılıb. 

  • Axtarışda olduğuna görə 24 nəfər saxlanılaraq aidiyyatı üzrə təhvil verilib. 
  • Respublikanın avtomobil yollarında 5 yol-nəqliyyat hadisəsi baş verib, nəticədə 2 nəfər ölüb, 5 nəfər xəsarət alıb.  
  • Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 15, qanunsuz saxlanılan silah-sursatla bağlı 1 fakt müəyyən edilib.  
  • Cinayət törətməkdə şübhəli bilinən 24 nəfər saxlanılıb.

Xətai rayonu ərazisində yol-nəqliyyat hadisəsi
08 yanvar 2018

Yanvarın 8-də saat 7:00 radələrində Xətai rayonu ərazisində Bakı şəhər sakini İsa Hacıyev idarə etdiyi “Daewoo” markalı 36 saylı xətt avtobusu ilə yolu keçən paytaxt sakini Sabir Bədəlovu vurmuşdur. Nəticədə xəstəxanaya yerləşdirilmiş piyada orada ölmüşdür.
Xətai RPİ tərəfindən araşdırma aparılır.