Axtarış

Virtual Karabakh Karabakh Justice for khojaly

Krimnal xronika

tarixindən tarixinə
Gün ərzində 82 cinayət faktı qeydə alınıb
14 sentyabr 2017

Respublikanın daxili işlər orqanları tərəfindən gün ərzində 82 cinayət faktı qeydə alınıb, onların da 11-i “isti izlər”lə açılıb. 

  • Cinayət Məcəlləsinin müxtəlif maddələri ilə axtarılan 30 nəfər tutularaq istintaq orqanlarına təhvil verilib. 
  • Respublikanın avtomobil yollarında 8 yol-nəqliyyat hadisəsi baş verib, nəticədə 6 nəfər ölüb, 15 nəfər xəsarət alıb.  
  • Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 4 fakt müəyyən edilib.  
  • Cinayət törətməkdə şübhəli bilinən 22 nəfər tutulub.

Oğurluqda şübhəli bilinən Sumqayıt şəhər sakini Yalçın Məmmədov tutulub
14 sentyabr 2017

Sumqayıt ŞPİ 3-cü PB əməkdaşlarının keçirdikləri əməliyyat tədbirləri nəticəsində ötən il dekabrın 13-dən cari il iyunun 21-dək olan müddətdə şəhər ərazisində 2 avtomobildən, 5 evdən və 2 mağazadan pul, velosiped, akkumulyator, maqnitafon və məişət əşyaları oğurlamaqda şübhəli bilinən şəhər sakini, əvvəllər məhkum olunmuş Yalçın Məmmədov tutulub.

Samux rayon sakini Elşən Həzrətovdan 478 qr marixuana götürülüb
14 sentyabr 2017

Nizami (Gəncə) RPİ-nin əməkdaşları tərəfindən Samux rayon sakini, əvvəllər məhkum olunmuş Elşən Həzrətovdan 478 qram marixuana götürülüb.

Oğurluqda şübhəli bilinən Xaçmaz şəhər sakini Əfsanə Alışova tutulub
14 sentyabr 2017

Xaçmaz RPŞ əməkdaşlarının keçirdikləri əməliyyat-axtarış tədbirləri nəticəsində sentyabrın 3-də rayon ərazisindəki evlərdən birindən 1000 ABŞ dolları və 7500 manat dəyərində qızıl əşyalar oğurlamaqda şübhəli bilinən şəhər sakini Əfsanə Alışova tutulub.

Qonşusu Ağarəhim Kərimovu qətlə, arvadı Xanıma bıçaqla xəsarət yetirməkdə şübhəli bilinən Astara rayonunun Ərçivan qəsəbəsində yaşayan Əfqan Rəhimov tutulub
14 sentyabr 2017

Sentyabrın 14-də Astara rayonunun Ərçivan qəsəbəsində yaşayan Əfqan Rəhimov münaqişə zəminində bıçaqla arvadı Xanıma və səs-küyə gələn qonşusu Ağarəhim Kərimova xəsarət yetirib. A.Kərimov hadisə yerində ölüb, Xanım isə xəstəxanaya yerləşdirilib.
Astara RPŞ əməkdaşlarının keçirdikləri əməliyyat tədbirləri nəticəsində Ə.Rəhimov tutulub.

Yasamal rayonunun A.Şərifzadə küçəsində yol-nəqliyyat hadisəsi
14 sentyabr 2017

Sentyabrın 14-də saat 7 radələrində Yasamal rayonunun A.Şərifzadə küçəsində “Daewoo” markalı avtobusla yolun kənarında dayanan Bakı şəhər sakini Günel Əsgərova vurulub. Xəstəxanaya yerləşdirilən G.Əsgərova orada ölüb.
Yasamal RPİ 29-cu PB əməkdaşlarının keçirdikləri əməliyyat tədbirləri ilə hadisəni törətməkdə şübhəli bilinən Şəki şəhər sakini, əvvəllər məhkum olunmuş Hakim Saatov tutulub.

2 avtomobildən akkumulyator oğurlamaqda şübhəli bilinən Bərdə rayon sakini Xəqani Mehdiyev tutulub
14 sentyabr 2017

Nərimanov RPİ 17-ci PB əməkdaşlarının keçirdikləri əməliyyat tədbirləri nəticəsində sentyabrın 3-də və 9-da rayon ərazisindəki 2 avtomobildən akkumulyator oğurlamaqda şübhəli bilinən Bərdə rayon sakini Xəqani Mehdiyev tutulub.

4 ədəd avtomobil təkəri oğurlamaqda şübhəli bilinən paytaxt sakini Azər Mustafayev tutulub
14 sentyabr 2017

Nəsimi RPİ 22-ci PB əməkdaşlarının keçirdikləri tədbirlərlə cari il avqustun 15-də rayon ərazisində Bakı şəhər sakini G.Ağalarovaya məxsus qarajdan 4 ədəd avtomobil təkəri oğurlamaqda şübhəli bilinən paytaxt sakini, əvvəllər məhkum olunmuş Azər Mustafayev tutulub.

Oğurluqda şübhəli bilinən Ağdam rayon sakini İlqar Nuriyev tutulub
14 sentyabr 2017

Nizami RPİ 24-cü PB-nin əməkdaşları tərəfindən sentyabrın 12-də Bakı şəhər sakinləri olan 2 nəfərin mobil telefonunu oğurlamaqda şübhəli bilinən Ağdam rayon sakini İlqar Nuriyev tutulub.

Mobil telefon oğurlamaqda şübhəli bilinən Bakı şəhər sakini Elvin Qurbanov tutulub
14 sentyabr 2017

Sentyabrın 13-də Yasamal rayonu ərazisində “VAZ-2107” markalı avtomobildən mobil telefon oğurlamaqda şübhəli bilinən Bakı şəhər sakini Elvin Qurbanov 27-ci PB-nin əməkdaşları tərəfindən tutulub.