Axtarış

Virtual Karabakh Karabakh Justice for khojaly

Krimnal xronika

tarixindən tarixinə
Gəncə şəhəri Nizami prospektində yol-nəqliyyat hadisəsi
14 iyul 2017

İyulun 14-də saat 22 radələrində Gəncə şəhəri Nizami prospektində Göygöl rayon sakini İqbal Şərifov idarə etdiyi "QAZ-31029" markalı avtomobillə yolu keçən şəhər sakinləri Aynurə Abbasovanı və azyaşlı oğlu Məhəmmədi vurub və nəticədə piyadalar hadisə yerində ölüblər.
Nizami (Gəncə) RPİ tərəfindən araşdırma aparılır.

Saatlı rayonunun Qaranuru kəndi ərazisində yol-nəqliyyat hadisəsi
14 iyul 2017

İyulun 14-də saat 18 radələrində Saatlı rayonunun Qaranuru kəndi ərazisində rayon sakini Əli Ağayev idarə etdiyi "VAZ-2107" markalı avtomobili aşırıb. Nəticədə sərnişinlərindən - azyaşlı qızı Fatimə hadisə yerində ölüb,  özü və digər sərnişini olan qızı isə xəstəxanaya yerləşdiriliblər.
Saatlı RPŞ tərəfindən araşdırma aparılır. 

Göyçay şəhərinin Nizami küçəsində yol-nəqliyyat hadisəsi
14 iyul 2017

İyulun 14-də saat 1.00 radələrində Göyçay şəhərinin Nizami küçəsində şəhər sakini Səfər Rəsulov idarə etdiyi "VAZ-2107" markalı avtomobillə yolu keçən həmyerlisi Mehman Mirzəliyevi vurub. Nəticədə xəstəxanaya yerləşdirilən piyada orada ölüb.
Göyçay RPŞ tərəfindən araşdırma aparılır. 

Gün ərzində 77 cinayət faktı qeydə alınıb
13 iyul 2017

Respublikanın daxili işlər orqanları tərəfindən gün ərzində 77 cinayət faktı qeydə alınıb, onların da 15-i “isti izlər”lə açılıb. 

  • Cinayət Məcəlləsinin müxtəlif maddələri ilə axtarılan 19 nəfər tutularaq istintaq orqanlarına təhvil verilib. 
  • Respublikanın avtomobil yollarında 8 yol-nəqliyyat hadisəsi baş verib, nəticədə 10 nəfər ölüb, 6 nəfər xəsarət alıb.  
  • Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 6, qanunsuz saxlanılan silah-sursatla bağlı 1 fakt müəyyən edilib.  
  • Cinayət törətməkdə şübhəli bilinən 21 nəfər tutulub. 

2 baş inək oğurlamaqda şübhəli bilinən Salyan rayonunun Yenikənd kənd sakinləri Rabil Dadaşov və Anar Dadaşov tutulublar
13 iyul 2017

Salyan RPŞ əməkdaşlarının keçirdikləri əməliyyat-axtarış tədbirləri nəticəsində Tural Nəhmətova və Valeh Ağayevə məxsus həyətyanı sahələrdən 2 baş inək oğurlamaqda şübhəli bilinən Yenikənd kənd sakinləri Rabil Dadaşov və Anar Dadaşov tutulublar. 

Quba rayon sakini Xanmurad Babayevdən 1 kiloqram 838,2 qram marixuana götürülüb
13 iyul 2017

Xızı RPŞ əməkdaşlarının keçirdikləri əməliyyat tədbirləri nəticəsində Quba rayon sakini, əvvəllər məhkum olunmuş Xanmurad Babayevdən 1 kiloqram 838,2 qram marixuana götürülüb.

Kultivasiya yolu ilə yetişdirilən 11 ədəd çətənə kolu aşkar edilərək götürülüb
13 iyul 2017

Ağdaş RPŞ əməkdaşlarının daxil olan məlumat əsasında keçirdikləri əməliyyat tədbirləri nəticəsində Binələr kənd sakini Tahir Səfərova məxsus həyətyanı sahədən kultivasiya yolu ilə yetişdirilən 11 ədəd çətənə kolu aşkar edilərək götürülüb.

Oğurluqda şübhəli bilinən Ağstafa rayon sakini Məzahir Alıyev tutulub
13 iyul 2017

Sumqayıt ŞPİ 1-ci PB əməkdaşlarının keçirdikləri əməliyyat tədbirləri nəticəsində iyunun 13-də şəhər ərazisindəki evlərdən birindən noutbuk və qızıl əşyalar oğurlamaqda şübhəli bilinən Ağstafa rayon sakini, əvvəllər məhkum olunmuş Məzahir Alıyev tutulub. 

Oğurluqda şübhəli bilinən Gəncə şəhər sakini Cəmşid Hacıyev tutulub
13 iyul 2017

Nizami (Gəncə) RPİ əməkdaşlarının keçirdikləri əməliyyat tədbirləri nəticəsində iyulun 7-də rayon ərazisindəki mağazalardan birindən 80 manat pul, danışıq kartları, spirtli içki və tütün məmulatları oğurlamaqda şübhəli bilinən Gəncə şəhər sakini, əvvəllər məhkum olunmuş Cəmşid Hacıyev tutulub. 

Nəqliyyat vasitəsi qaçırdığına görə tutulan Qabil Nağıyevin 535 manat pul oğurlaması da müəyyən edilib
13 iyul 2017

Nəqliyyat vasitəsi qaçırdığına görə tutulan Qabil Nağıyevin ətrafında Nəsimi RPİ 20-ci PB əməkdaşları tərəfindən aparılan əməliyyat tədbirləri ilə onun iyulun 1-də rayon ərazisindəki mağazalardan birindən qapını sındırmaq yolu ilə 535 manat pul oğurlaması da müəyyən edilib.