Qobu qəsəbəsində iki avtomobildən və bir qadının çantasından oğurluq etməkdə şübhəli bilinən şəxslər müəyyən olunaraq saxlanılıblar
10.09.2024Qobu qəsəbəsində “Toyota” markalı avtomobildən 600 manat pul, Atyalı qəsəbəsi ərazisində isə “Nissan” markalı avtomobildən 2950 manat pul, yanğın söndürən balon, təkər dolduran kompressor və təmizlik vasitələrinin oğurlanması barədə polisə məlumat daxil olub.
Abşeron Rayon Polis İdarəsi əməkdaşlarının keçirdikləri tədbirlərlə oğurluq əməllərini törətməkdə şübhəli bilinən B.Dadaşov müəyyən olunaraq saxlanılıb.
Polis əməkdaşlarının keçirdikləri digər əməliyyat tədbiri ilə sentyabrın 9-da Qobu qəsəbəsi ərazisində bir qadının çantasından 3500 manat dəyərində qızıl-zinət əşyalarını oğurlamaqda şübhəli bilinən 38 yaşlı qadın müəyyən olunaraq saxlanılıb.
Faktlarla bağlı araşdırma aparılır.
Çap et