Zaqatala RPŞ əməkdaşlarının keçirdikləri əməliyyat tədbirləri nəticəsində Muğanlı kənd sakini Cuma İbrahimovun idarə etdiyi "VAZ-21114" markalı avtomaşına baxış zamanı 400 qram marixuana götürülmüşdür.
Bərdə RPŞ əməkdaşlarının keçirdikləri əməliyyat tədbirləri nəticəsində yanvarın 10-da T.Aslanova narkotik vasitəni satmış rayon sakini Razi Süleymanov tutulmuş, ondan 4,1 qram həşiş götürülmüşdür.
Əzizbəyov RPİ 2-ci PB əməkdaşlarının keçirdikləri əməliyyat tədbirləri nəticəsində Bakı şəhər sakinləri, əvvəllər məhkum olunmuş İlham Müzəffərov və Abbas Əliyev 1,023 qram heroini satarkən tutulmuşlar. A.Əliyevdən əlavə 0,466 qram heroin götürülmüşdür.
DİN Baş Narkotiklərlə Mübarizə İdarəsi əməkdaşlarının keçirdikləri əməliyyat tədbirləri nəticəsində Bakı şəhər sakini Azər Vəliyevdən 1,036 qram heroin və 1 ədəd şpris götürülmüşdür. Narkotik vasitəni ona satmış Xırdalan şəhər sakini Emin Rüstəmov tutulmuşdur.