DİO əməkdaşları tərəfindən vətəndaşlardan narkotik vasitələr götürülmüşdür

19.11.2005

Baş Narkotiklərlə Mübarizə İdarəsi əməkdaşlarının keçirdikləri əməliyyat-axtarış tədbiri nəticəsində Bakı şəhər sakinləri Asif Yaqubəliyevdən 0,372 qram, Mahir Qasımovun idarə etdiyi "VAZ-2107" markalı avtomaşından isə 0,189 qram heroin götürülmüşdür. Onlar tutulmuşlar. Baş Narkotiklərlə Mübarizə İdarəsinin Cənub Bölgəsində Regional Şöbəsi əməkdaşlarının keçirdikləri əməliyyat-axtarış tədbiri nəticəsində Lənkəran şəhər sakini, əvvəllər məhkum olunmuş Əlixeybər Əliyevdən 0,208 qram heroin götürülmüşdür. Əvvəllər məhkum olunmuş Bəxşiş Əliyev isə 7,812 qram tiryəki 120 min manata satarkən tutulmuşdur. B.Əliyevin evinə baxış zamanı əlavə olaraq 0,834 qram tiryək aşkar edilərək götürülmüşdür. Səbail RPİ 8-ci PB əməkdaşlarının keçirdikləri əməliyyat-axtarış tədbiri nəticəsində Bakı şəhər sakini, əvvəllər məhkum olunmuş Elman Abbasovdan 2,12 qram həşiş götürülmüşdür. Sumqayıt ŞPİ əməkdaşlarının keçirdikləri əməliyyat-axtarış tədbiri nəticəsində şəhər sakini Eldar Daşdəmirovdan 0,236 qram heroin götürülmüşdür.