Həyata keçirilmiş əməliyyat tədbirləri nəticəsində Nizami RPİ və Ədliyyə Nazirliyinin Penitensiar Xidməti əməkdaşları 15 saylı Cəzaçəkmə Müəssisəsində cəza çəkən Arif Əliyevdən 10,276 qram heroin götürmüşlər.
Yevlax RPŞ əməkdaşlarının keçirdikləri əməliyyat tədbirləri nəticəsində yanvarın 6-da T.Nəsibova narkotik vasitə satmış Qaraməmmədli kənd sakini Eyvaz Namazov tutulmuş və ondan 135,59 qram marixuana götürülmüşdür.
Yasamal RPİ əməkdaşlarının keçirdikləri əməliyyat tədbirləri nəticəsində Bakı şəhər sakini, əvvəllər məhkum olunmuş Bahadur Şahbazovdan 208,77 qram tiryək və 154,645 qram heroin götürülmüşdür.