DİO əməkdaşları tərəfindən vətəndaşlardan narkotik vasitələr götürülmüşdür

05.01.2009

Həyata keçirilmiş əməliyyat tədbirləri nəticəsində Yasamal RPİ 29-cu PB əməkdaşları Bakı şəhər sakini, əvvəllər məhkum olunmuş Qürbət Sadıqovdan 1,048 qram heroin, Nizami RPİ 23-cü PB əməkdaşları Quba rayon sakini,  əvvəllər məhkum olunmuş Zöhrab Əlixanovdan 615,8 qram marixuana, Suraxanı RPİ əməkdaşları Suraxanı qəsəbə sakini Eldar Əliyevdən 12,55 qram marixuana götürmüşlər.  
Əzizbəyov RPİ əməkdaşlarının keçirdikləri əməliyyat tədbirləri nəticəsində Mərdəkan qəsəbə sakini Zaur Əliyev 1,721 qram heroini satarkən tutulmuşdur. 
Quba rayon sakini Məmmədrza Məmmədov həmyerlisi Ənvər İbrahimovdan aldığı 2,89 qram marixuananı könüllü olaraq Quba RPŞ-yə təqdim etmişdir. Quba RPŞ əməkdaşlarının keçirdikləri əməliyyat tədbirləri nəticəsində Ə.İbrahimov tutulmuş, ondan 7,46 qram marixuana aşkar edilərək götürülmüşdür.