DİO əməkdaşları tərəfindən vətəndaşlardan narkotik vasitələr götürülmüşdür
26.12.2008 Həyata keçirilmiş əməliyyat tədbirləri nəticəsində DİN Baş Narkotiklərlə Mübarizə İdarəsi əməkdaşları Bakı şəhər sakini, əvvəllər məhkum olunmuş Kamil Hüseynovdan 2,577 qram heroin, DİN Nəqliyyatda Baş Polis İdarəsi əməkdaşları Bakı şəhər sakini Şahbaz Əliyevdən 1,2 qram tiryək götürmüşlər.
Balakən RPŞ və Balakən rayon Gömrük İdarəsi əməkdaşlarının birgə keçirdikləri əməliyyat tədbirləri nəticəsində Sarıbulaq kənd sakini, əvvəllər məhkum olunmuş Nəriman Bazarovun evinə baxış zamanı 250 qram qurudulmuş çətənə kolu aşkar edilərək götürülmüşdür.
Balakən RPŞ əməkdaşlarının keçirdikləri əməliyyat tədbirləri nəticəsində rayon sakini, əvvəllər məhkum olunmuş Xaliq Yusifovun evinə baxış zamanı 200 qram qurudulmuş çətənə kolu aşkar edilərək götürülmüşdür.
Çap et