Qaradağ RPİ 38-ci PB əməkdaşlarının keçirdikləri əməliyyat tədbirləri nəticəsində İ.İsgəndərovaya qarşı quldurluq etmiş Sahil qəsəbə sakinləri Anar Əlizadə, Əli Məmmədov, Adil Hüseynov, Rahib Abdullayev və İsmayıl İsmayıllı tutulmuşlar. Ətraflarında aparılmış əməliyyat tədbirləri nəticəsində onların həmyerliləri Rövşən Əliyev və Ceyhun Mustafayevlə birgə cari ilin oktyabrın 25-də Sahil qəsəbə sakinləri Natiq Zeynalova məxsus "İsuzu" markalı avtomaşından 1 ədəd maqnitofon, Cəlal Bayramova məxsus mağazadan elektrik ləvazimatları, Fuad Hüseynova məxsus mağazadan isə suvenir əşyalar oğurlamaları müəyyən edilmişdir. R.Əliyev və C.Mustafayev tutulmuşlar.