Həyata keçirilmiş əməliyyat tədbirləri nəticəsində DİN Baş Narkotiklərlə Mübarizə İdarəsi əməkdaşları Bakı şəhər sakini, əvvəllər məhkum olunmuş Mübariz İsrafilovdan 1,033 qram heroin, Bakı BPİ-nin Narkotiklərlə Mübarizə İdarəsi əməkdaşları Bakı şəhər sakini, əvvəllər məhkum olunmuş Rauf Məmmədovdan 1,222 qram heroin götürmüşlər.
Astara rayonunun Ərçivan kənd sakinləri Qabil Nəsirov və Famil Əliyev 1 kiloqram 470 qram həşişi satmağa cəhd göstərmişlər. Astara RPŞ əməkdaşlarının keçirdikləri əməliyyat tədbirləri nəticəsində Q.Nəsirov tutulmuş, F.Əliyevin tutulması üçün tədbirlər davam etdirilir.
Masallı RPŞ əməkdaşlarının keçirdikləri əməliyyat tədbirləri nəticəsində rayon sakini Ceyhun Hacıyev 0,400 qram heroini satarkən tutulmuşdur.
Nərimanov RPİ 17-ci PB əməkdaşlarının keçirdikləri əməliyyat tədbirləri nəticəsində Namiq Əsədova məxsus "VAZ-21015" markalı avtomaşından oğurluq etmiş Binə qəsəbə sakini, əvvəllər məhkum olunmuş Arif Əhmədov tutulmuş, ondan 0,243 qram heroin götürülmüşdür.
Səbail RPİ 9-cu PB əməkdaşlarının keçirdikləri əməliyyat tədbirləri nəticəsində Y.Məmmədəliyev küçəsində yaşayan Can Fuad Əli oğlunun mənzilindən açar seçmək yolu ilə oğurluğa cəhd göstərmiş Bakı şəhər sakinləri, əvvəllər məhkum olunmuş Rüstəm Bədirov və Zaur Cavanşirov tutulmuşlar. R.Bədirovdan 1 ədəd bıçaq, 0,219 qram heroin, Z.Cavanşirovdan isə 0,241 qram heroin götürülmüşdür.
Əzizbəyov RPİ 2-ci PB əməkdaşlarının keçirdikləri əməliyyat tədbirləri nəticəsində Yevlax rayon sakini, əvvəllər məhkum olunmuş Vaqif Əhmədovdan 0,523 qram heroin götürülmüşdür. Narkotik vasitəni ona satmış Lənkəran şəhər sakini, əvvəllər məhkum olunmuş Rakif Niftullayev  tutulmuş, ondan 1,798 qram heroin götürülmüşdür.