Hacıqabul rayonunun Qarasu kəndində yol-nəqliyyat hadisəsi

08.10.2008

Saat 17.05 radələrində Hacıqabul rayonunun Qarasu kəndində, Muğan qəsəbə sakini Gülxan Cəfərov "VAZ-2106" markalı avtomaşını idarə edərkən ötmə qaydalarını pozmuş və Goranboy rayon sakini Elsevər Sadıqovun idarə etdiyi "Kamaz" markalı və Balakən rayon sakini Elsevər Layıcovun idarə etdiyi "Qazel" markalı avtomaşınların arasında qalmış, sonradan idarəetməni itirərək "Kamaz" markalı avtomaşına vurmuşdur.  Nəticədə G.Cəfərovun sərnişini, arvadı Əsmayə hadisə yerində ölmüş, özü isə xəsarətlə xəstəxanaya yerləşdirilmişdir. Hacıqabul RPŞ tərəfindən araşdırmalar aparılır.