Bakı-Quba yolunun Quba rayonu Çağçuk kəndi ərazisində yol-qəza hadisəsi
19.10.2005Saat 16.00 radələrində Bakı-Quba yolunun Quba rayonu Çağçuk kəndi ərazisində, Talabı-Qışlaq kənd sakini Mehman Kərimovun idarə etdiyi "VAZ-21011" markalı və Sumqayıt şəhər sakini Qasım Siracovun idarə etdiyi "Mersedes-220" markalı avtomaşınlar toqquşmuşlar. Nəticədə M.Kərimov və sərnişinləri, həmkəndliləri Əziz Süleymanov, Hacızadə Mehbalıyev, habelə Q.Siracovun sərnişini, Dağıstan vətəndaşı Zoya Zeynalbekovna Xanova hadisə yerində ölmüş, xəsarət almış Q.Siracov və digər sərnişinləri, Dağıstan vətəndaşları Niyara Hacıyeva və Saniyat Əmirova xəstəxanaya yerləşdirilmişlər. Q.Siracov orada ölmüş, digərlərinin vəziyyətləri isə orta-ağırdır.
Çap et