DİO əməkdaşları tərəfindən vətəndaşlardan narkotik vasitələr götürülmüşdür

15.09.2008

Həyata keçirilmiş əməliyyat tədbirləri nəticəsində Yasamal RPİ əməkdaşları əvvəllər məhkum olunmuş Mirzə Fərziyevdən 3,537 qram heroin, Nəsimi RPİ 22-ci PB əməkdaşları Allahverdi Əliyevdən 0,249 qram heroin, Lənkəran ŞRPŞ əməkdaşları 6,066 qram  heroin,  Mingəçevir ŞPŞ əməkdaşları Mirzə Mizəyevdən 0,242 qram heroin, Ağcabədi RPŞ əməkdaşları Kərim Zərbəliyevdən 0,179 qram heroin, Beyləqan RPŞ əməkdaşları Nizami Həsənovdan 1 qram heroin götürmüşlər.
Masallı RPŞ əməkdaşlarının həyata keçirdikləri əməliyyat-axtarış  tədbirləri nəticəsində rayon sakinləri Rafiq Rufullayevdən və Telman Abdullayevdən 0,229 qram heroin  və istifadəsi üçün lazım olan ləvazımatlar götürmüşlər.
Qazax RPŞ əməkdaşları tərəfindən N.Nərimanov qəsəbəsi ərazisində 10 sot sahədən yabanı halda bitmiş çəkisi 3700  kiloqram olan 9 min 850 ədəd çətənə kolu yığılaraq məhv edilmişdir.
Gədəbəy RPŞ əməkdaşları tərəfindən  Parakənd kəndi ərazisində 40 sot sahədən yabanı halda bitmiş çəkisi 930 kiloqram 1800 ədəd çətənə  kolu yığılaraq məhv edilmişdir.