Hüquq mühafizə orqanları tərəfindən hərbi məqsədlər üçün istifadə edilən müxtəlif vasitələr tapılmışdır

12.09.2008

DİN Daxili Qoşunların Baş İdarəsi, Milli Təhlükəsizlik Nazirliyi Qusar rayon şöbəsi və Qusar RPŞ əməkdaşlarının birgə  həyata keçirdikləri əməliyyat tədbirləri nəticəsində 5 xüsusi saxlanc   yerlərindən 1 ədəd Azərbaycanın coğrafi xəritəsi, 1 ədəd  mobil telefon, 1  ədəd  2 manatlıq və 1 ədəd 5 manatlıq "Nar" və 1 ədəd 2 manatlıq "Sim-sim"  danışıq kartları, 1 ədəd taxta saplı bıçaq, 1 ədəd tibbi  şpris  sistemi, 4 ədəd sintetik materialdan tikilmiş boz rəngli çanta, 1 ədəd üzərində ərəb əlifbası ilə sözlər yazılmış qara rəngli parça, 1 ədəd 2 litrlik plastmass qabda selitra gübrəsinə oxşar ağ rəngli maddə, 1 ədəd dəmir biz, 2 ədəd yeyə, 1 ədəd balta,  1 ədəd mişar,  4 ədəd təzə bel ucluğu, 13 ədəd "Yaesu" radiostansiyası dəsti,  3 ədəd  kompakt disk, 5 ədəd müxtəlif kompyuter naqilləri, 1 ədəd qara rəngli torbanın içində "Cobra" firmasına məxsus gecəgörmə cihazının başlığı, qurğu hissəsi və 2 ədəd  həmin  cihazın pasportu, 1 ədəd gecəgörmə cihazı (tam  komplekt), 3 dəst təzə hərbi səhra geyimi, 1 ədəd hərbi isti başlıqlı gödəkçə, 2 cüt "Vibram" firmasına məxsus qara rəngli çəkmə, 1 ədəd qısaqol kişi köynəyi, 1 cüt rezin çəkmə, 1 cüt "Gore-Tex" firmasına məxsus çəkmə, 1 ədəd üzərində "Djixad i problemı sovremennoqo mira" və 1 ədəd "Kniqa Mudjaxida" yazılmış kitablar, çiyin çantasının içərisində 1 ədəd yaşıl, 1 ədəd qara rəngli çadır və həmin çadırları quraşdırmaq üçün dirəklər,  1 ədəd kağız yapışqanı, 1 ədəd üz fırçası, 1 ədəd "PM" tapançasının koburası, 1 ədəd  yaşıl rəngli yağmurlaq plaşı, xeyli miqdarda müxtəlif ərzaq məhsulları,  dərman preparatları və s. aşkar edilərək götürmüşlər.