DİO əməkdaşları tərəfindən vətəndaşlardan narfkotik vasitələr götürülmüş və yabanı halda bitmiş çətənə kolları məhv edilmişdir

09.09.2008

Həyata keçirilmiş əməliyyat tədbirləri nəticəsində Əzizbəyov RPİ 2-ci PB əməkdaşları Səxavət Abışovdan 0,257 qram heroin və 0,61 qram marixuana, Binəqədi RPİ 4-cü PB əməkdaşları  Gülbala Əlipənahovdan 0,252 qram heroin, Nərimanov RPİ 16-cı PB əməkdaşları Vüqar Muradxanovdan 1,019 qram heroin,  Abşeron RPŞ əməkdaşları Zakir Quliyevdən 0,229 qram heroin götürmüşlər.
Neftçala RPŞ əməkdaşlarının həyata keçirdikləri əməliyyat-axtarış  tədbirləri nəticəsində Aşağı Sura kənd sakini Əvəz Sadıqovun 0,1 hektar həyətyanı sahəsindən kultivasiya yolu ilə yetişdirilmiş, çəkisi 145 kiloqram olan 14 ədəd çətənə kolu, evinə baxış zamanı isə 950   qram marixuana aşkar  edilərək   götürmüşlər.
Astara RPŞ əməkdaşlarının həyata keçirdikləri əməliyyat-axtarış  tədbirləri nəticəsində  rayon sakini, 26 yaşlı İlham Səfail oğlu Əliyev 0,256 heroini satarkən tutulmuşdur.  Onun  narkotik vasitəni Ərçivan kənd sakini Fəxrəddin Əliyevdən alması  müəyyən edilmişdir.  F.Əliyev tutulmuşdur.
Daşkəsən RPŞ əməkdaşları tərəfindən Əmirvan kəndi ərazisində 30 sot sahədən yabanı halda bitmiş çəkisi 800 kiloqram olan 400 ədəd çətənə kolu yığılaraq məhv edilmişdir.