DİO əməkdaşları tərəfindən vətəndaşlardan narkotik vasitələr götürülmüşdür

09.08.2008

Həyata keçirilmiş əməliyyat tədbirləri nəticəsində DİN Baş Mühafizə İdarəsi və Nizami RPİ əməkdaşları Bakı şəhər sakini Fuad Cümşüdovdan 0,206 qram heroin, Suraxanı RPİ 31-ci PB əməkdaşları qəsəbə sakini, əvvəllər məhkum olunmuş Fuad Quliyevdən 0,321 qram heroin götürmüşlər.  
Bərdə RPŞ əməkdaşlarının keçirdikləri əməliyyat tədbirləri nəticəsində Mustafağalı kənd sakini Samir Səfərovun həyətyanı sahəsindən kultivasiya yolu ilə yetişdirilmiş, çəkisi 1,65 kiloqram olan 14 ədəd çətənə kolu, evinə baxış zamanı isə 475 qram marixuana aşkar edilərək götürülmüşdür.
Əzizbəyov rayonunun Şağan qəsəbə sakini Nina Məmmədova Mərdəkan qəsəbəsi yeni yaşayış sahəsində yaşayan RF vətəndaşı, əvvəllər məhkum olunmuş Alixan Ersamirzəyevdən aldığı 0,619 qram heroini könüllü olaraq 1-ci PB-yə təhvil vermişdir. E.Ersamirzəyev tutulmuş, ondan 1,696 qram, yaşadığı evdən isə 42,659 qram heroin aşkar edilərək götürülmüşdür.