DİO əməkdaşları tərəfindən vətəndaşlardan narkotik vasitələr götürülmüşdür

07.08.2008

Həyata keçirilmiş əməliyyat tədbirləri nəticəsində DİN Baş Narkotiklərlə Mübarizə İdarəsi əməkdaşları Bakı şəhər sakini, əvvəllər məhkum olunmuş Cabir Qəmbərovdan 27,154 qram tiryək, Səbail RPİ əməkdaşları Bakı şəhər sakini Ülvi Muradovdan 1,035 qram heroin, Qaradağ RPİ əməkdaşları Biləcəri qəsəbə sakini, əvvəllər məhkum olunmuş Mehman Alışovdan 2,273 qram heroin, Gəncə ŞPİ əməkdaşları Göygöl rayon sakini Ceyhun Əsgərovdan 0,204 qram heroin, Kəpəz RPŞ əməkdaşları Gəncə şəhər sakini, əvvəllər məhkum olunmuş Vaqif Babakişiyevə məxsus "VAZ-2103" markalı avtomaşına baxış zamanı 0,183 qram heroin götürmüşlər.        
DİN Baş Mütəşəkkil Cinayətkarlıqla Mübarizə İdarəsi əməkdaşlarının keçirdikləri əməliyyat tədbirləri nəticəsində Bakı şəhər sakinləri Nəcəf Orucludan, Anar Təhməzovdan, Rüfət Əliyevdən və Xırdalan şəhər sakini Cavid Hüseynovdan ümumi çəkisi 1,5 qram heroin aşkar edilərək götürülmüşdür. Onlara narkotik vasitəni satmış Lənkəran şəhər sakini, əvvəllər məhkum olunmuş Qafil Fərəcov tutulmuş, ondan 4 qram heroin aşkar edilərək götürülmüşdür.
Zərdab RPŞ əməkdaşları tərəfindən Pərvanlı kəndindən yabanı halda bitmiş, çəkisi 510 kiloqram olan 2070 ədəd çətənə kolu yığılaraq məhv edilmişdir.