DİO əməkdaşları tərəfindən vətəndaşlardan narkotik vasitələr götürülmüş və yabanı halda bitmiş çətənə kolları məhv edilmişdir

02.08.2008

Həyata keçirilmiş əməliyyat tədbirləri nəticəsində Bakı BPİ-nin Narkotiklərlə Mübarizə İdarəsi əməkdaşları Bakı şəhər sakini, əvvəllər məhkum olunmuş Elman Dadaşovdan 0,517 qram heroin, Sabunçu RPİ 13-cü PB əəmkdaşları Bülbülə qəsəbə sakini Vüsal Sadıqovdan 0,190 qram heroin götürmüşlər.  
Şirvan ŞPŞ əməkdaşlarının keçirdikləri əməliyyat tədbirləri nəticəsində şəhər sakini, əvvəllər məhkum olunmuş Murad Dadaşov 0,06 qram heroini həmyerlisi Mübariz Hüseynova satarkən tutulmuşdur. M.Dadaşovun evinə baxış zamanı əlavə 0,232 qram heroin götürülmüşdür.
Sabirabad RPŞ əməkdaşları tərəfindən Şəhriyar kəndindən yabanı halda bitmiş, çəkisi 538 kiloqram olan 1435 ədəd çətənə kolu yığılaraq məhv edilmişdir.